هذا تراث أسلافنا ماض الأجيال


هذا تراث أسلافنا ماض الأجيال = يثبت فعايلها وياصف سيرها
تاريخهم في ما مضى بدع الأمثال = وأسلافهم يمشي بها من بترها
يعم كل المملكة غرب وشمال = وجنوبها والشرق بر وبحرها
آخذ جزيل القول واترك للاهزال = فيها القصص والراوي اللي ذكرها
أهدي لمن يوفي الوعايد اليا قال = فعله مكارم والمعايب هجرها
فيه النزاهه والوفا ماله امثال = نفسه على طلب المعالي ومرها
وشجاعة في الراي في كل الأحوال = لاكبرت القاله برايه حصرها
راع الردى ماله مع الشيخ مدخال = منزهٍ عرضه وربه سترها
الصدق والإخلاص به دق واجلال = في خدمة المحتاج روحه صخرها
واليا نصاه اللي حداه أشهب اللال = عقب الدهر يقطف نوامي زهرها
من لاذ في ضفه رقا نايف الجال = تنام عينه عقب كثرة سهرها
يا أمير ياللي للمهمات حلال = الطايله ملبسك غالي شهرها
مساجد تعمر وصدقات وسبال = ترجي نهار الحشر غاية ثمرها
وساهمت في خدمة وطننا بالاعمال = كل القلم والعين يتعب نظرها
متعب رفيق الجود لاحل منحال = ملجا رفيقه من عوامس كدرها
من نسل شيخ للعرب عز وظلال = من دوله ترجى ويخشى خطرها
عبد العزيز مقدم السيف والمال = عزا لشعبه والشريعة نصرها
وصلّوا على المختار ما هل همال = واعداد ما هلت سحايب مطرها

الشاعر منديل محمد الفهيد


 

.
الوسوم:

تعليق واحد

  1. يقولalrawie8:

    اللهم صلِّ وسلم على نبينا محمد وعلى آله وصحبه أجمعين…

جميع الحقوق محفوظة © الراوي – سالفة وقصيد.