16 من نم لك نم بك ولا فيه تشكيك

16


بيت القصيد 16
من نم لك نم بك ولا فيه تشكيك = وألياه قد ازرى رفيقك وازراك
عندك حكى فينا وعندي حكى فيك = وأصبحت كارهنا وحنا كرهناك


قال الشريف بركات رحمه الله :

يالله يالي كل الأمات ترجيك = يا واحد ما خاب حي ترجاك
يا رب عبد ما مشى في معاصيك = ولا يمشي إلا في محبتك ورضاك
ويا مرقب بالصبح نطيت راقيك = ما واحد قبلي خبرته تعلاك
قل: ول يا ذا الدهر ما أكثر بلاويك = الله يزودنا السلامة من اتلاك
يا للي على العربان عمت شكاويك = وليت يا دهر الشقا ول ما أقواك
واليوم هالكونون غاد شبابيك = تلعب به الأرياح مع كل شباك
يا “مالك” اسمع جابتي يوما أوصيك = دامك صغير واقدر أمرك وانهاك
وصية من والد طامع فيك = تسبق على الساقة لسانه لعلياك
أوصيك بالتقوى عسى الله يهديك = لها وتدركها بتوفيق مولاك
الله بحق أجدادك الغر يعطيك = رضاه مع كل ما تمنى من أمناك
إعل الحلال اللي مع الناس يغليك = اللي إلى بان الخلل فيك يرفاك
احفظ دبشك اللي عن الناس مغنيك = لو هو شوي ما حصل لك دبش ذاك
رفيقك اللي بالعطايا يمنيك = انصه بمقضاة الغرض قبل ينصاك
إما تجود بواحد جايد فيك = وإما بما سوى تجازيه لي جاك
واعرف ترى “مكة” ولاها “ابنا خليك = لو تشحذه خمسة دواوين ما أعطاك
واجعل دروب المرحلة من معانيك = واحذر تمايل عن درجها بمرقاك
لا تنسدح عنها وتبغيني أعطيك = جميع ما يكفيك ما حاصل ذاك
احذر أمر ليعات ابيها لتاليك = أيضا ويرخص عندها قدر ما واك
أدب ولدك إن كان تبغيه يشفيك = لو زعلت أمه لا تخليه يالاك
إما سمج واستمسجك عند شانيك = ويغيض من فعله صديقك وشرواك
وإلا بعد جهله ترى أنه بياذيك = واستسعفه من بعد مرباه يالاك
واحذر سرور بغبة الحبس يرميك = ولا عنده اهون من تجزعك وابكاك
أو خوفتي بالسيف يقطع علابيك = في ليلة ما يصبح إلا سما بالك
واعرف ترى اللي قد وطا الفعر واطيك = ولا انت أعز من الجماعة هذولاك
واحذر تضيع كل من هو بذر فيك = معروف لا تنساه وأوفه بعرفاك
ترى الصنايع بين الأجواد تشريك = إلى طمعت بغرسها لا تعداك
وأوف الرجال حقوقها قبل تاليك = لا تدعي بالعق فالحق يقفاك
والنمنمة والدرسعة لا تجي فيك = واحذرك عرض الغافل إياي وإياك
تبدي حديث للملا فيه تشبيك = وتهيم عند الناس بالكذب واشراك
وإلى عزمت احذر تعلم بطاريك = كم واحد تبغي به العرف واغواك
واحذر شماتة صاحب لك مصافيك = واليا جرى لك جاري قال: لولاك
ولا تحسب أن الله قطوع يخليك = ولا تفرح أن الله على الخلق بداك
إن اشتهي حط الطمع في تواليك = لو ما لقيته –يا فتيى الجود يلقاك
خل الطمع من جنب والله يغنيك = بعض الطمع مافيه يامالك ادراك
والضيف قدم له: “هلا” حين يفليك = ومما تحوشه يا فتى الجود يمناك
إكرم إقباله فإنها من شواديك = وابذل له المجهود مادام يعناك
احذر تلقي الضيف مقرن علابيك = خله محب لك صديق إذا جاك
والطف بجارك ثم قم دون عانيك = وافطن لما يعنيك عن ربعة إخواك
وأوصيك زلات الرفيق إن عثا فيك = ما دام يغطاها الشعر فاحتمل ذاك
راعه، ولو ما شفته إنه يراعيك = عساك تكسر نيته عن معاداك
رفيقك اللي بالعطايا يمنيك = إنصه بمقضا لازمه قبل ينصاك
حتى تجود إن كان هو جيد فيك = وإلا تكسر ناظره عن مداناك
واحذر عدوك لو ترى أنه مصافيك = عوذ القنا به، واطعنه حين ما جاك
لا تامنه واطلب من الله ينجيك = ويكفيك ربك شر ذولا وذولاك
شفني أنا يا بوك بأمرك وانهيك = عن التعرض بين الاثنين حذراك
إذا حضرت اطلابة مع شرابيك = اسع لهم بالصلح واللاش يفداك
إبدل لهم بالطيب والله ينجيك = ولا تجضع الميزان، مع ذا، ولا ذاك
أما الشهادة فادها إن دعوة فيك = بين عمود الدين لي ميت ارياك
بالك تماشي واحد لك يرديك = طالع بني جنسك وفكر بممشاك
الحر مثلك يستحي يصحب الديك = وإن صاحبه “عاعا” معاعاة الأدياك
رافق أصيل في زمانك يشاكيك = لي شاف خملاتك عن الناس غطاك
واحذرك عن طرد المقفي حذاريك = عليك بالمقبل وخلق من تعداك
ثم العن الشيطان لياه يغويك = ترى ان تبعته للشرابيك وداك
واوصيك لا تشكي علينا بلاويك = أنت السبب طرفك عيونك بيمناك
المسك يا رساسي عن الذل اخطيك = واحذر تكلم يا لساني حذاراك
يا ذيب وإن جتك الغنم في مفاليك = فاكمن غلين ان الرعايا تعداك
من أول يا ذيب تفرس بياديك = واليوم جاء ذيب عن الفرس عداك
يا ذيب عاهدني، وأعاهدك ما ارميك = ما أرميك أنا يا ذيب لو زان مرماك
والنفس خالف رايها قل ترميك = ترى لها الشيطان يرمي بالإدراك
ومن بعد ذا لا تصحب النذل يعديك = وعن صحبة الأنذال حاشاك حاشاك
ترى العشير النذل يخلف طواريك = وأنا أرجي إنك ما تجي جون آباك
والهقوة انك ما تجي دون أهاليك = ما ذكر عد الورد يثمر بتنباك
لا تستمع قول الطرف يوم يلفيك = بالكذب يقضي لازمه كل ما جاك
من نم لك نم بك، ولا فيه تشكيك = والاه قد زرى رفيقك وزراك
عندك حكى فينا وعندي حكي فيك = وأصبحت كارهنا وحنا كرهناك
ما أخطاك ما صابك، ولو كان راميك = واللي يصيبك لوتتقيت ما أخطاك
مير استمع مني عسى الله يهديك = للنصح يا مالك لك الله لمولاك
عندي مظنة ما تمثلتها فيك = واطلب لك التوفيق من عند مولاك


 

الوسوم:
جميع الحقوق محفوظة © الراوي – سالفة وقصيد.