19 اثر الرياجيل تفرق بالمدى والعزوم

Share

19


بيت القصيد 19
اثر الرياجيل تفرق بالمدى والعزوم = والطيب كايد وحزّات المواقف محكّ
احد ٍ على اطرف سبب ماعاد يقدر يقوم = واحدٍ لو تسكّر الدنيا بوجهه ضحك


يقول الشاعر الشاعر سلطان بن بتلاء :

اثر الرياجيل تفرق بالمدى والعزوم = والطيب كايد وحزّات المواقف محكّ
احد ٍ على اطرف سبب ماعاد يقدر يقوم = واحدٍ لو تسكّر الدنيا بوجهه ضحك
واحدٍ يعشمّك وتظنه عزومٍ جزوم = لاجيت سرّاك في حكيه ولا سرّحك
شيخ المراكي..جميل الهرج..ذيب العلوم = ان ماخسرت بجلوسك معه ماربّحك
طلبت لي اثنين في مكتب بنفس اللزوم = ولقيت ما يزعلك منهم ..وما يفرحك
واحد يخلي لزومك صعب..فوق النجوم = وواحد قبل لاتبدّي حاجتك ينطحك
ابشر..وحاضر..ويوم تجيني اعز يوم = وش لازمك؟يا رفيقي طال عمرك..تحكّ
تفداه خبطة صدور..الحايصين الرخوم = ماهوب ناهض معك..لكنّ لا يطرحك
والا انت لولا انك ضعيّف..ومن روس قوم = والله لااحرّج على فعلك معي وافضحك
ترى الكراسي لو تطوّل بها ما تدوم = لاجا مكانك رجل..خل البشر تمدحك
خلك بشوش الوجه للناس وانت امخدوم = بدال ماياصلك منهم حكي يجرحك


Share
الوسوم:
جميع الحقوق محفوظة © الراوي – سالفة وقصيد.