22 من زان حنا له على الزين خلان

22


بيت القصيد  22
من زان حنا له على الزين خلان = وضو الى حرك تزايد سعيره
ماقل دل وزبدة الهرج نيشان = والهرج يكفي صامله عن كثيره


هذه قصيدة للفارس راكان بن حثلين وهي جوابا لقصيدة الامير حمود العبيد ال رشيد الذائعة الصيت :

يا ليل سلم لي على الشيخ راكان = سلم على زيزوم يام(ن) واميره
اليوم صاروا بالعرب تقل جيران = ومن وين ماوجه تقفوا نشيره
وذكر لهم بالكون طيحة غزالان = ثلاث مراتٍ بوجه المغيره
قل فعلنا شافه حزام وفاران = يومن على عروى تقطع غثيره
إن كان ابن هندي نوانا ببرزان = حنا على عروى قصرنا مصيره
جينا على وضح النقا عقب الاذان = ذبحت قواد الجمل بالمريره
جينا على ذروات عجلات الاقران = مستجنبين كل قبا ظهيره
حصان الضيط اللي يسمى صنيتان = صيتٍ بلا جري ووصفوه شهيره
ان جاك بالعرضة اليا تقل ديقان = يفزع بسيفه سلة من جفيره
من كان باللقوات روغات الاذهان = ما ينقهر غاد الجدا من منيره
والسابق اللي عندكم يا ابو سلطان = لها بوجهك شامة مستديرة

والتي ارسلها الى الشيخ ركان بعد موقعة عروى الشهيرة .

فأجابه الشيخ راكان :

يا راكب(ن) من عندنا فوق شقران = خرزها بالخرج فوق النحيره
أوصل سلامي لخو نوره إبرزان = وعقب السلام انخبره بالسريره
من باب برزان الى باب نجران = ما هوب أنا يا الضغيمي أنت إميره
علمن لفانيبه حزام وفاران = ياسر قلبي يوم جاني بشيره
علمن لفا من شوق سحاب الاردان = هو شوق من تزها الشقايق نظيره
عضيد أخوه يصادق الفعل ولسان = ودبوس راس اللي دوا به مشيره
فرز الوغا لاجا ثقيلات الاكوان = لا سل مصقول السنا من جفيره
خبرتني يا حمود عن طير حوران = يومن على عروى تقطع غثيره
هلت مخاييله بدرج(ن) وسبهان = ما ينتميز وردها من صديره
تذكر محمد جامع نجع عتبان = ذخيرة ياوي والله ذخيره
الامر قدره الولي عالي الشان = والا عتيبه ما عليهم قصيره
كرمان وان اركبوا على الخيل فرسان = إليا اختلط عج الرمك بالمغيره
سبيتنا سبٍ على غير برهان = ما يستوي هذا لزبن العشيره
حنا بديرتنا ولا حن بجيران = في ديرة اللي مايخون بجويره
جويرنا صفر(ن) تنازى بصبيان = كل ابلج(ن) يشبح بظلت عشيره
حامين ديرتنا بخيل(ن) وفرسان = يوم ان كلٍ له حدودٍ وديره
ومن زان حنا له على الزين خِلان = والضِّر لا حِرك تزايد سعيره
وإليا بغيت الشيخ يوقفك سبهان = تاقف لمن العلم يرجع لاميره
لولا حسن نوّخ بذربين الايمان = راحت عليكم يا ابو ماجد كسيرة
أولاد علي مطوعت كل فسقان = عاداتهم بالكون كف المغيرة
الذم ما يهفي للاجواد ميزان = والمدح ما يرفع ايدين (ن ) قصيرة
ما قل دل وزبدة الهرج نيشان = والهرج يكفي صامله من كثيره
والاحسان يا ابن عبيد يجزى بالاحسان = والشر تنطحه الوجيه الشريره


 

Be First to Comment

    اترك تعليقاً