57 سبَح ماهر خيَالي في الخبَاري والبَرَد والنار

57


بيت القصيد 57
سبَح ماهر خيَالي في الخبَاري والبَرَد والنار = واشوف الجَمْر فوقه دَلّة الرّسْلان منحُوره
هذاك المنظر اللي ما تشوفه في الحياة امرار = على شوفه سبابيح الخيال تموت مقهوره


يقول الشاعر سَعَد بن جَدْلان :

يا زين المشي في الرّوض الخضر لا شعشع المخضار = يا زين الدّيره اللي من حقوق الوسم ممطوره
يريح البال سجٍّ في الفياض الخضر والمسيار = سعاده للقلوب اللي من السّلوان مسروره
متى عيني تشوف اللي على قلبي ربيع ودار = أشاهد للسّعاده في حياة المجتمع صوره
ليَا هلّت مزونٍ فوقهن تنعومتينْ صغار = على ذيك اللباب اللي من الرّيضان مغموره
رياضٍ نبتها يحميه من شمس النّهارْ ستار = تحت فيّة طفافيح الطفل خوخه وبندوره
لا منْهْ اصْحَى سمَا غرّ المزون وشعشع النّوّار = دجاه ادلى سدوله والقمر متجلّيٍ نوره
أشاهد ليْ برُوقٍ دُونها ربّانها تندار = تقول اكباس غازٍ من ورى شلال نافوره
سبَح ماهر خيَالي في الخبَاري والبَرَد والنار = واشوف الجَمْر فوقه دَلّة الرّسْلان منحُوره
هذاك المنظر اللي ما تشوفه في الحياة امرار = على شوفه سبابيح الخيال تموت مقهوره
حرام اني مااهني راعي المليون والمليار = ولااهنّي عَرَبْسَات الفضا دوره ومقدوره
أعيش بعالمٍ طول المدى يبقى لها تذكار = عليٌه بالحَرَام انها حياةٍ ما لها جَوره
هذا وَجْه الصّحيحْ ولا على وَجْه الصّحيحْ غبَار = حقيقهْ ويتمَعّنهَا اللبيبْ بكَاملْ شعُوره


 

الوسوم:
جميع الحقوق محفوظة © 2016 الراوي – سالفة وقصيد.