81 إن ضاق بالي قم شب لي تالي الليل

81


بيت القصيد 81


إن ضاق بالي قم شب لي تالي الليل = لا صار في عيون الرخوم الرقادي
وفي لي من الحاجات خمسة وثنتين = وثمانية ما لهن شبيه يشادي
وفي لي المحماس والنجر والهيل = وجمرة ومصفاتين واربع زيادي
واجزل لي الطبخة وزود بها الهيل = لصار أشقر الفنجال جي وغادي


وقال آخر:

مع دلة صفرا على النار مركاة = اقصر بصبتها على كيف روحي
اليا صبها الصباب دم الخوندات = الجادل اللي عند أهلها طموحي

ويقول آخر:

واحمس ثلاثة يالنديبي على ساق = حرصك تصير بعاجل الحمس مطفوق
اليا صفر لونه ثم بشت بالاعراق = صفرا كما الياقوت يطرب لها الموق
دقة بنجر للاجاويد عشاق = يطرب لها الدقاق إذا دق بخفوق
لقم بدله مولعه طولها ساق = ريحه على جمر الغضا يفضح السوق
أكبر قموعة كالزمرد بالاشفاق = وأصغرهن الطافح على شفه الموق
ليا انزعج من مزلقه تقل شبراق = أودم قلب واغرع منه معلاق
كفه وصفه على خمس ترناق = هيل ومسمار مع الاطياب مسحوق
بها لشمطري والعنبر اليافاق = والزعفران اللي على الطاق مطروق
صبه لذاك وذاك ما ذاق = واكفى كفاك الشر عن كل مخلوق


 

الوسوم:
جميع الحقوق محفوظة © الراوي – سالفة وقصيد.