82 اللي في عينه مايشوف البشر شي

82


بيت القصيد 82
اللي في عينه مايشوف البشر شي = ترى البشر في عيونها ماتشوفه
ولاتنكر المعروف لو انه شوي = من قدم المعروف رد معروفه


يقول الشاعر :

عطني ياهاب الريح من وقتك شوي = واسمع كلامي كان ما به كلوفه
سخر جهودك في رضا الواحد الحي = والفرض لاتغفل من اول صفوفه
لاتمنع الناصح ليا قال  ياخي = خذ مايفيد وزايد الهرج طوفه
لاتطرد المقفي ولاتشاور العي = قدام ياكلك الندم والحسوفه
ترى حكيم الشور ياخذ ويعطي = نفسه من الراي الدناوي عيوفه
ولاتقرب الشبهه ولاتخاوي السي = عليك باللي طيباتٍ  وصوفه
من رافق الطيب شرب صافي المي = ومن رافق الهافي جفا الما  كفوفه
ولاتنكر المعروف لو انه  شوي = من قدم المعروف رد معروفه
وادمح خطا الطيب ليا صار مخطي = واقبل معاذيره وقدر ظروفه
ولاتنهر المحتاج لاجاك مبلي = خسارةٍ في فعل خير مخلوفه
واطلق حجاجك لااقبل الخاطر وحي = بشاشة الطيب كرامة  ضيوفه
ترى الكريم معان بالخير مرهي = من يترك الماجوب جعله  ذلوفه
لاتقطع الرفقه ولو حبلها لي = حبل الرفق من يفلته بان خوفه
رجلٍ بلا ربعه من الناس مجفي = لابد صكات الليالي تحوفه
واللي في عينه مايشوف البشر شي = ترى البشر في عيونها ماتشوفه
ومن عوده حظه على بارد الفي = لابد لفحات السمايم تلوفه
ومن ساقته نفسه على سكة الغي = صعبٍ عليه ليا تمادى نكوفه
ترى الليالي تطوي ايامنا طي = يالله بحسن الخاتمه والمروفه


 

الوسوم:
جميع الحقوق محفوظة © الراوي – سالفة وقصيد.