الشاعر حجاج بن عتقاء العلوي


 الشاعر حجاج بن عتقاء العلوي
الاستاذ عبدالله بن رداس


قال الشاعر/ حجاج بن عتقاء العلوي الحربي مخاطبًا بها الشاعر عبدالله بن رداس :

إلى صعبت القالة نصيت ابن رداس = عبد الله اللي من تضايق تنصاه
من جاه عاني فاز مارد بافلاس = وأبو محمد يرفع الراس طرياه
بالمرجله والطيب والفعل حساس = مفراص فولاذ عسى اللاش يفداه
ينقض صعيب العقد لوفيه لولاس = ومعرب جده وساسه ومجناه
يا كبر فرق الحر عن كل الأجناس = وأبو محمد بالوفا لا عدمناه
محمد طلع مثله بطيبه مع الناس = جاء مثل عبد الله وحنا شكرناه
يرافق هل الطولة عن النذل واخساس = وعن الردى واللاش يا بعد ممشاه
ما صادق الانذال مع كل بلاس = ريف إخوياه وريف من كان خاواه
جاء مثل عبد الله على كل نوماس = وإخوانه اللي بالظفر مثل شرواه
عيال من كنه على الوصف قرناس = عبد الله اللي ما خسر كل من جاه
مبهر دلال تجلى الهم وعماس = صفر الدلال اللي على النار مركاه
والهيل والبن الخضر ترس الأكياس = لأجل الضويف وكل من جاه قهواه
فنجالهن يجلي غثا كل هوجاس = في مجلس وأهل الشرف ما تعداه


 

جميع الحقوق محفوظة © الراوي – سالفة وقصيد.