الشاعر رباح بن نماء العلوي


الشاعر رباح بن نماء العلوي
الاستاذ عبدالله بن رداس


قال الشاعر/ رباح بن نماء العلوي مخاطبًا بها الشاعر عبدالله بن رداس :

يا مرحبا ترحيبة باحترامي = بالشيخ واللي مع جنابه مسايير
اعداد من صلى صلاته وصامي = واعداد ما رف بجناحينه الطير
فرصة سعيدة يا رفيع المقامي = نجلس بها بالبر جنب المباهير
في مجلس ما دار فيه الخمامي = ولا جمع الكلمة خطات المعيثير
وحنا بشوفك حل فينا انسجامي = يا طيب السمعة زبون المخاسير
ويا بو محمد يا رفيق الكرامي = بقدومكم زاد الحفر بالنواوير
والبيت زان وزان بني الخيامي = وجمعت ربعٍ كل ابوهم مساطير
واللي جمعهم صيت نسل الحشامي = وعبد الله الرداس ما شيف بالغير
قلته وانا ما لي طلب يا لقطامي = من دافع اللي شفت عبرت تعبير
وآخر كلامي مهدي لك سلامي = يا عز من جا له من الوقت تكدير


 

جميع الحقوق محفوظة © 2016 الراوي – سالفة وقصيد.