الشاعر سالم بن خضر البركاني


الشاعر سالم بن خضر البركاني
الاستاذ عبدالله بن رداس


قال الشاعر/ سالم بن خضر البركاني الحربي موجهها للشاعر عبدالله بن رداس :

نصيت ابن رداس صيته مع الناس = ضيفٍ عليه ونيتي اشتكي له
عن حاجةٍ من دونها جسر هتاس = إما يشيل الحمل والا نشيله
يا أبو محمد لي بضاعة مع الناس = من دونها يالشيخ رجلي ذليله
وقتي حداني وانت بالعلم حساس = ويكفيك ما أقوله وعندل دليلة
جيتك من ابعيد المطاريش عساس = حيثك تذكر بالعلوم الجميلة
عسى الطلب يأتي على العين والراس = وافرح بمطلوبٍ عيونك اتخيله
اللي دفعني وردهم يا بن رداس = وافزع عسى فزعتك ما هي بخيلة
لو المراد المالي واقف على الناس = يرزقني اللي ما يضيع دخيله
هذا وانا سالم عريبٍ ولد ساس = وبعض الكرم جاني وباقي قليله
ختامها ذكر النبي سيد الناس = نور الهدى وكلنا نهتدي له


 

.
جميع الحقوق محفوظة © الراوي – سالفة وقصيد.