الشاعر سعد بن عباس الحربي


الشاعر سعد بن عباس الحربي
الاستاذ عبدالله بن رداس


قال الشاعر/ سعد بن عباس الحربي موجهها للشاعر عبدالله بن رداس :

يوم إن بعض الهرج جا له مجالي = عندي كلام أريد اخطه بقرطاس
ما هو مداد قابل للزوالي = في ماء الذهب يبقى مثل دق الالعاس
أهديه للي وافي بالكمالي = اللي لبس ثوب الفخر قد وقياس
اللي بني قصر من المجد عالي = شيد ركونه والقواعد على ساس
أبو محمد من كرام السبالي = ما يمنع المعروف عن ساير الناس
إن وجوه من يشكون ضيم الليالي = بعث بهم روح الأمل من بعد ياس
لو كان واحدهم حمولة ثقالي = يرتاح باله عقب ما ايقن بالافلاس
يحل صعب معقدات الحبالي = ما هوب هرباج للاعذار لماس
ياقف كما وقفة رواسي الجبالي = ياما وقف من وقفةٍ ترفع الراس
هذا عدى ما يبذله من نوالي = مع دلة تبعد عن الراس الاعماس
ما هو على حد الرفيق الموالي = بل كل مضهود إلى جاه نطاس
إن كان باقي للمروة توالي = دور عليها عند مثل ابن رداس
كثير تلقى من عيال الحلالي = لكن قليل اللي مثل فعل جساس
يوم ان بعض الناس ما له ظلالي = كبير اسمه مار ما فيه نوماس
المعدن الطيب عزيز وغالي = الفرق واضح بين صايغ ونحاس


 

.
جميع الحقوق محفوظة © الراوي – سالفة وقصيد.