الشاعر ماجد بن عبيريد البدراني


الشاعر ماجد بن عبيريد البدراني
الاستاذ عبدالله بن رداس


قال الشاعر/ ماجد بن عبيريد البدراني مخاطبًا بها الشاعر عبدالله بن رداس :

هات الونيت اللي على شف بالي = غالي ثمن جبناه من معرضٍ له
إلى وقف يعجب بزين الخيالي = واليا مشى قلب المولّع يتله
عليه مرسالي وبه راس مالي = وملفاه أبو محمد ومعمّد له
وليا عنزت اعنز لروس الرجالي = خص الرجال وطافي النار خله
ترى الطفايس يا زبون التوالي = تسبب الأمراض وتجيب علة
يا ليت عليهم اوسوم اتلالي = من شان ما نشره على النذل لله
ولا يجمل الطيب مع ابن الحلالي = ولا يجمل الرجال مع جملة له
والرجل ما يعرف بليا مجالي = أو عند اللوازم يطلعن الأدلة
إلى غار هرج مطولين الجدالي = اللي سوالفهم على غير ملة
تطلع رجال يعتلون العوالي = يذري ذرابهم في نهار العضلة
باللازمة ترخص غوال الحلالي = ما حسبوا بالمال يدهون جلّة
عباتهم تذري ولها اظلالي = بظلالها يا مدورين الأظله
واعنزت للي طيبه أول أوتالي = طيب لابوه وهو صار في محله
اللي تعاقب في محله دلالي = والمطيبه تمشي على مجلسٍ له
وذباح حيلٍ للنشاما جزالي = وراعي محل من دخل ما يمله
وعنيت يمه والله أبخص بحالي = أوجيته على مدح العرب عاني له
واعنزت يانواف لشبل الشبالي = اللي مفاتيح الفرج فزعةٍ له
وصلات ربي عد رش الخيالي = واعداد من طب الحرم ساجدٍ له


 

تعليق واحد

  1. يقولalrawie8:

    وصلنا هذا التعديل :
    القصيده للشاعر الكبير : فلاح بن مشعل البدراني.

جميع الحقوق محفوظة © الراوي – سالفة وقصيد.