الشاعر ناصر القرن العلوي


الشاعر ناصر القرن العلوي
الاستاذ عبدالله بن رداس


قال الشاعر/ ناصر القرن العلوي مخاطبًا بها الشاعر عبدالله بن رداس :

سلام يا راع الوفا والجمالة = يا طيب السمعة لك الخط مكتوب
يمك سلام أرسلت عبر الرسالة = وفيك البقا يا للي لك الطيب منسوب
يا ذخرنا لا هنت في كل حاله = عز الله انك للمهمات محسوب
تسلم وتبقا وانت راع الشكالة = يا أبو محمد عادتك تقضي النوب
يا عز من ينصاك لا ضاق باله = ويا فزعة اللي حده الوقت منكوب
فعلك قديم ومن خبر نور قاله = الشاهد الله عند الأجناب وحروب
ولا انته من اللي فزعته قد حاله = عز الرفيق وعز من جاك مطلوب
كم واحدٍ لاجاك تنظر بحاله = تساعده وان شفته اليوم مغلوب
تمشي معه إلى ما تورد حباله = يجيه حقه وانت للازم اتنوب
واللي شكرلك ما تعذر سؤاله = تجاوبه محاسن الأخلاق وأسلوب
كنك بصفة واحد من عياله = وهذا الفخر والطيب راعيه محبوب
ولا هو غريب وانت ساس الرجالة = من طبعك النخوة ولا فيك عذروب
وطاريك حنا نفتخر في مجاله = وحي القبال اللي مع الناس مرغوب
اللي يضحي في حلاله وماله = دون الرفيق ويحتمل كل ما جوب


 

.
جميع الحقوق محفوظة © الراوي – سالفة وقصيد.