الشاعر نافع بن ثامر الحربي


 الشاعر نافع بن ثامر الحربي
الاستاذ عبدالله بن رداس


قال الشاعر/ نافع بن ثامر الحربي موجهها للشاعر عبدالله بن رداس :

سر يا قلم واكتب على بيض الأوراق = تعبير مسجون همومه تقزيه
يسهر بليله لين تنباح الاشراق = من كثر ما يونس بقلبه ويخفيه
جور الليالي محرق جوفه احراق = مع جور وقت كاثرات بلاويه
ضاقت به الدنيا مع قل الاوفاق = ما له صديق ولا رفيق يناجيه
كود انت يا حلالها عقب الاشفاق = عز الرفيق اللي زمانه معنيه
تكفى يا ابن رداس نشفن الارياق = والعلم ما يسند على غير راعيه
ينخاك مسجون وراء الباب منعاق = ذا له سنه وكسور ما احدٍ نظر فيه
ولشوف ربعه يا فتى الجود مشتاق = يبي الطلوع وحارس الباب حاديه
حمل عليه جاير فيه ما اطاق = حمل علي صعيب مانيب قاويه
إما حصل لي فزعة جابت اطلاق = منك أنت والا غير مانيب راجيه
يا شوق من خده كما نور براق = وضعي خطير وانت تقدر اتسويه
وصلاة رب البيت من كل الأعماق = على نبي خالق الكون هاديه


 

جميع الحقوق محفوظة © الراوي – سالفة وقصيد.