قصيدة موجهة إلى الشيخ عبد الله بن رداس الحربي


قصيدة موجهة إلى الشيخ عبد الله بن رداس الحربي
الاستاذ عبدالله بن رداس


هذه القصيدة موجهة إلى الشيخ / عبد الله بن رداس الحربي :

يا خال قم واركب على جيب فكسار = اركب على جيب جديدٍ مديله
جيب ليا منه مشا ثور غبار = يدنيلك الطرقة ولو هي طويله
نسمع ببن رداس وتجينا الأذكار = راع العلوم الطيبة ينعنيله
ذكره مع الأجناب يمين ويسار = شيخ معروف أمن الشيوخ الأصيله
والله يا لو دونه مسافات وإخطار = لو هو بعيد الدار لازم نجيله
نبي نمر الشيخ لا صار ما صار = روح يابن نمران وانت الدليله
وصفط على اللي يكرم الضيف والجار = هذاك ابن رداس شيخ القبيله
كم دلةٍ تجلى على صالي النار = ونجرٍ يدن كل طرقي يجيله
أولاد على اللي مجالسهم إكبار = اللي لهم بالطيب درب وسيله
اللي مجالسهم بها بن وبهار = ولا يذبحون ألا السمين الجليله
أشكي على الله ثم عليك الذي صار = غيرك يا ابن رداس من نشتكيله
جيتك وأنا همي بقلبي ومحتار = جيتك وأنا والله ما بيدي حيله
تكفى وأنا همي بقلبي ومحتار = تكفى تراء تكفى تشب الفتيله
أبغى الوظيفه منك يا طيب الكار = دور لنا رتبة رقيب أو وكيله
الله رفع قدرك على كل الأقدار = واللي يقدرنا على الرأس أشيله


 

.
جميع الحقوق محفوظة © الراوي – سالفة وقصيد.