رثاء في وفاة الشيخ عبدالمحسن التوم


رثاء في وفاة الشيخ
عبدالمحسن بن غازي التوم
شيخ قبيلة الحفاة من عتيبة
الراوي منديل الفهيد


لك الحمد ثم الحمد يالله على ماصار = لك الحمد ياعدل بفعله وتدبيره
لك الحمد ثم الحمد يامصر الاقدار = يامحصى خلقه بعلمه وتقديره
لك الحمد ثم الحمد يامحدد الاعمار = لعمر البنادم حد ماعنه تاخيره
فقدنا بفقد التوم رجل من الاخيار = بركن من الهيلاء (1) رحل يا الله الخيره
اعزى قيادتنا وحكامنا الابرار = هل العرب والمعروف والجاه والجيره
واعزى عيال فى الكرسى مهم بصغار = يسدون ريع العود ويزيد توقيره
واعزى القبيله عزوتى شلوه الكفار = واعزى عتيبه من قرى هجر لعشيره
اعزى بشيخ فى الوطن طيب الاذكار = تحت رايه التوحيد له فى الوطن سيره
قضى جل عمره مع هل المجد واهل الكار = قبل نجد مايركد هواه ومعاصيره
 تحت رايه معزى يجوبون بالاقفار = معزى تعرفونه معزى ولاغيره
وقف مع قيادتنا مثل وقفه الانصار = مثل ماوقف غيره مع طيب السيره
ونزل عن حصانه عقب ماكمل المشوار = ورحل للجوار المعتلى نعم من جيره
وترك له رصيد فى البلد جاوز المليار = رصيد تتاجر فيه الاجيال وتديره
رصيد الرجوله والشهامه مهوب دولار = رصيد على بعض البشر صعب تجييره
الا ياكريم الشان يالمعطى الغفار = طلبنك تاقا عثره الشيخ وتجيره
من اهاول يوم الحشر مع شخصه الابصار = وسهل حسابه يوم كسره وتجبيره
هذا ماطرى فى خاطرى صدق باختصار = بعد ماتلقينا الخبر مع مصاديره
واصلى واسلم عد ماشعت الانوار = على هادى شع الفرج مع تباشيره

شعر /
سعد بن سعيد بن مشحن الحافي
نشرت فى جريده الرياض
في 11 /11 /1423 هـ
العدد 12622


(1) عتيبه .

جميع الحقوق محفوظة © الراوي – سالفة وقصيد.