قصيدة صنيتان العواجي

Share


قصيدة صنيتان العواجي
الراوي عبدالله بن دهيمش بن عبار


اما صنيتان العواجي من العواجية مشايخ ولد سليمان فهو شاعر ولم نحصل الا على هذه القصيدة مطلعها في القهوة ويسند على الشيخ محمد ابن ضويهر من مشايخ الغضاورة من ولد سليمان فيقول :

البارحة أنا وثلاث قعودي = وناسة ما شفت منها ممله
مرفعات السنم بيض الخدودي = عشرات يدعن واحد من محله
ماكولهن صافي الذهب والوقودي = ومشروبهن عذب قراح نزله
وعجز نخالف روسهن بالنفودي = هشايم ما هن تعاميس جله
في ربعة اللي ما تغالا النقودي = فنجالهن يجلي عن الكبد عله
أخو ذكر سقم الحريب اللدودي = ما طاع هرج اهل القلوب المغله
وخلاف ذا يا راكبين القعودي = وضيحان واصل أبوه كلن يدله
تلفي محمد شوق ضافي الجعودي = لا جيت له وده سلامي وقله
يا أبن ضويهر لا تبيح السدودي = خذ الكلام وصامل العلم كله
الهرج يا مشكاي شوك الكبودي = والحق فقار وباقي الهرج خله
الحق كسب من الرفاقة وفودي = تكثر حسايف واحد ما حصله
والقول هو مصقلات الحدودي = ما هو وادعه يا محمد تصله
ربعك إلى ضامك عدو حسودي = وقت اللزم تدمح لهم كل زله
جعافره ما هم لفايف جرودي = خصيمهم بالكون شاف المذله
جعافرة زبن الطريح الطرودي = عدوهم جايح صوابه يملة


جميع الحقوق محفوظة © الراوي – سالفة وقصيد.