قصيدة للشاعر صالح بن مران الجهني

Share


قصيدة للشاعر صالح بن مران الجهني
الراوي عبدالله بن دهيمش بن عبار


أما الشاعر صالح بن مران الجهني من قبيلة جهينة وهو شاعر بارز ومعروف وهو مع قبيلة الدهامشة من عنزة ومن قصائدة هذه القصيدة :

الله من قلب تلفه معاصير = دلت توقد بالمعاليق ناره
أعول عويل مهرجفات الخواوير = جرمية قامت تذكر حواره
أركوا عليها بناسعات القناطير = وخلي ولدها واقف بالمعاره
وأشوف بالدنيا خراب وتعمير = ولا من عمار كود عقبه دماره
يا ناس روس الناس مثل المداوير = والخاصلة قامت تدور الكبارة
وتخالط السلاف هو والمضاهير = وراعي الغنم واللي ينخس حماره
يالله عسى مقسوم شأنك غنى خير = يا والي الدنيا بحسن اختياره
يا والي الدنيا بفكر وتدبير = يا عازل ليل الدجا عن نهاره
يا منشي غر المزون المزابير = يا ما تنثر بالمداهل بذاره
يا ملحق هزل الضعاف المقاصير = عليك توصيل الرشا وأنبتاره
تفرج لمن طبقت عليه المعابير = متحير وقلت عليه التجاره
ويسر أمور انتووا نية السير = اللي وطوا درب الدرك والخساره
صبابت البن الحمر للمسايير = مع كبش مصلاح عريض فقاره
وردادت الطوعات عند المغاتير = يوم أن عج الخيل يسمك اغباره
وباقي الملأ يعلها له مسافير = لو مات جرو طايح من وثاره
الا صبي عاثرته المقادير = والمال هو باس الرجل واعتباره
لو الخلايق يجبرون المكاسير = القلب ما ترهم عليه الجباره


Share
جميع الحقوق محفوظة © الراوي – سالفة وقصيد.