قصيدة للشيخ زيد البداح الهذال يرثا فرسه


قصيدة للشيخ زيد البداح الهذال يرثا فرسه
الراوي عبدالله بن دهيمش بن عبار


وهذه القصيدة من شعر زيد البداح أبن هذال قالها يرثا فرسه :

الحيل حيل الله ولا في يدي حيل = لا جاء القدر ما في يد العبد حيله
ليت الخطر ما جاك يا شمعة الخيل = يا اللي على صم الرمك بك نفيله
ذريبة الذرعان مركوزة الذيل = مثل العنود اللي تقود الجميله
صفرا صهات اللون مركاضها يهيل = وأنا أذكر الله دايم مستزيله
ولا هي من اللي عادته فترت الحيل = يا رب عوضني خلفها بديله
أنطح عليها كايدين الرجاجيل = وأن حققوا عقب المغار الدبيله
تدعي أن كانه غربط العفن بالشيل = وردوا عليها بالجموع الثقيله
علوى طوال الزرق عدالت الميل = خوالي اللي يكسبون النفيله
نثني لعين مروك المسك بالهيل = وضح الترايب ناسعات الجديله
ولا لعيني بكرتين من الحيل = طويلت النسنوس شقحا جليله ‏


 

.
جميع الحقوق محفوظة © 2016 الراوي – سالفة وقصيد.