قصيدة من شعر زيد بن حسن المرتعد


قصيدة من شعر زيد بن حسن المرتعد
الراوي عبدالله بن دهيمش بن عبار


وهذه القصيدة للشيخ زيد بن حسن المرتعد من شيوخ قبيلة اليمنه من الجعافرة من ولد سليمان من عنزة ينصح عن شرب الدخان ويوضح أن كيف النشاما القهوة وليس الدخان فيقول :

يا شار بين التتن جوزوا ما هو كيف = تراه شغل إبليس ينفاه الإسلام
كبدك من الدخان تصبح تقل حيف = وإلى غدا عدك جريم من العام
الكيف يلقا بالدلال المهاديف = لا قلطن في فيت البيت قدام
يعبالهن مع هيل بن بتزريف = والزعفران مروك بيد خدام
وإلى ولم فنجال صبه على الضيف = وأبد بكبير السن عن لو لوام
سقة على اللي باللقا يروي السيف = وأثنه على اللي سيح الزاد بيدام
والثالث اللي بالفهامه عواريف = لا صار بين الربع قالات واخصام
وعده عن اللي خاملين وهذاليف = لو اعجبتك أزوالهم بس الأجسام


.
جميع الحقوق محفوظة © 2016 الراوي – سالفة وقصيد.