مقاطع من الشعر في مدح سعد بن رشدان


مقاطع من الشعر في مدح سعد بن رشدان
الراوي عبدالله بن دهيمش بن عبار


قال تركي بن شامخ هذه الهجينية بالشيخ سعد بن عايض بن رشدان :

يا سعود لا تطري النوده = تكثر عليك الهواجيسي
اليا ما تيجي بيت أبو عوده = سعد زبون المحابيسي
القرم ما يداني الزوده = ولا عقبوه الهلابيسي
حلال عقد هذا كوده = ويبري لهود مراميسي
والطيب شفه ومقصوده = ضاري لكسب النواميسي
هداج لو كثرت اوروده = يروي كبود ميابيسي

وهذه الأبيات لشاعر من الجميشات يثني على سعد بن عايض الرشدان :

المدح يزها لأبن رشدان = وأن قطبوهن بالأرساني
أفطن لذكره مع الرعبان = كان أنت بالطيب بحلاني
له ربعة تشبع الجيعان = ويذبح مع الحيل خرفاني

وهذه الأبيات من الهجيني قالها سارح القروعي يثني على الشيخ سعد ابن عايض الرشدان :

يا جديع مانت البدل بالخال = ما انت الخليفة عقب خالي
خالي لا جوا طيبين الفال = قلط معاميل وادلالي
من كثرهم ما يضيق البال = يشبع الأول مع التالي

وهذه الأبيات لفتاه تثني علي الشيخ سعد بن عايض الرشدان :

هذا أخو مزنة ملفا للجيش = لا جوا هجافي ايتعدن له
ذباح كبش وحدره عيش = ومعه فنجال وتعلله
وتحوفه اللي نباها اتعيش = عسى الليالي اتمهله
بنت بن يحيا ما هي تقشيش = أبوها مضت افعولله
أبوه يطبح خلاف الجيش = وايكثر الهيل بالدله

وهذه الأبيات لسويلم الحنيني الحربي يثني على سعد بن عايض الرشدان :

ياعيال ياللي على الزرفات = يم أخو مزنه تنصن له
نجره ينادي على الشطات = لازم راعي الكيف يفطن له
ترى سعد يذبح الجزلات = ويضفي على التيس عتقله
ما تغالا الكبش بالسومات = ويفرح إلى شاف ربعله
لو أن بيته وراء الأبيات = يمينكم يم بيت له

وقال مفرح القروعي هذه الابيات يثني علي سعد بن رشدان :

يا أبو خلف ترك النيات = وديارنا لا تطيريها
ديارنا ما بها طربات = بس المناحس بأهاليها
ناخذ على دلتك كيفات = وأبريقك اللي محاضيها
أن جو هجافا هل الطوعات = صينيتك دوم ماليها
يشبع بها الحي والجارات = والجار واللي حواليها


.
جميع الحقوق محفوظة © 2016 الراوي – سالفة وقصيد.