من شعر الشيخ شارع بن زيد بن الحميدي الهذال


من شعر الشيخ شارع بن زيد بن الحميدي الهذال
الراوي عبدالله بن دهيمش بن عبار


أما الشيخ شارع بن زيد بن الحميدي الهذال فله قصائد كثيرة و من قصائده هذه القصيدة يلوم على الشيخ برجس بن مجلاد لبقائه في الأسياح :

انا نفضت القنو لين الخمج طاح = بسعود من جعل المنايا تعداه
الصبح أطالع قبة تقل مضياح = متريح ما بين شطين وأفراه
و الحمد لله ذودنا خلف وألقاح = و الجوع خالفنا و حنا نسيناه
ماني كما اللي قاعد بدار الاسياح = إلى طالعه سبر أبرق الجوع يلقاه

وقال شارع بن زيد من قصيدة يسند على الشيخ صقر الدغيم الهذال :

طس السبيل من أصفر اللون طسه = الشاوري يسقط على غاية القلب ‏
قلبي غدا لولا ضلوعي ترصه = عشت بوزا وجربت غلب بثرغلب
يا صقر يا اللي للمناعير غصه = عوق العديم إلى تعاوج عن الدرب ‏
كان أنت شفت من القرابة محسه = أبعد بعيد ولا تشافى على القرب ‏
لومي على اللي قانص له أبسه = اللي الحراريداورونه على الخرب
طبل الغنم جاب الحرامي بحسه = والذيب جاها والغنم ما بها كلب


 

.
جميع الحقوق محفوظة © 2016 الراوي – سالفة وقصيد.