من شعر لبيّد المتينه البلاز العياشي


من شعر لبيّد المتينه البلاز العياشي
الراوي عبدالله بن دهيمش بن عبار


أما الشاعر لبيد المتينه البلاز العياشي الدهمشي فهو شاعر معروف وله قصائد كثيرة لم يحفظ منها الا القليل وله قصيدة بالقهوة ردا على دغيم الظلماوي ضمنت هذا الكتاب مع قصيدة دغيم ومن شعره هذه الأبيات من قصيدة طويله بالقهوة منها قوله :

يا مسوي الفنجال صبه لراعيه = وأدره عليهم كلهم بالكمالي
بعض الأوادم عاسراته لياليه = ولا لوم أنا من شاف عسر الليالي

ومن شعر لبيد المتينه هذه القصيدة قالها يعاتب عقيد قوم غزا على قبيلة الدهامشة يريد يأخذ أبلهم ولم يحالفه الحظ :

هيهات لو جريت صوت من الراس = حنا عليك بقدرت الله قوينا
ما دام ربك تيه أرياك بعماس = لحقتنا تبغي تعزل الكمينا
من فاخره جينا على الهجن جلاس = قمنا على درب الهدى وأنتوينا
حنا طلب ذود وخذ وقت الادماس = ولو ما حقنا قيل غب علينا
خمسة ركايب يتلن خمسة افراس = يا ما عليهن بالمجامر عدينا
نتلي زبون الجاديه عقب مرواس = حر يقطع بالمفارع ايدينا
وصحنا عليهم صيحة تبعد اعماس = وراحواجفيل الصيد من يوم جينا
راحو معيفين على غلب وافلاس = والقوم عن اوجيههم ما اتقينا
وجبنا مع الخلفات رماح والباس = وانفرح اللي قفونا يرتجينا
وقال لبيد المتينه هذه الأبيات من قصيدة طويله في مناسبة أخرى :
يا شيخ لو صيحت تو البلا جاك = حنا الذي مبطي لكبدك كوينا
يوم جيت بالشيمات حنا عطيناك = برجس غدير الموت حبس الكمينا
هو كيف تنسانا عسى الرب ينساك = بايق ولا ترفع سعودك علينا
وش عاد ما تمشي علينا حكاياك = أيضا ولا تفيد التهاويل فينا
لومك على اللي تيه أرياك وأغواك = لحقتنا من يوم حنا غزينا
حنا رمينا باللقا ذاك مع ذاك = ومنكم تعشينا الشواه السمينا


.
جميع الحقوق محفوظة © 2016 الراوي – سالفة وقصيد.