من شعر مشرف الذرب


من شعر مشرف الذرب
الراوي عبدالله بن دهيمش بن عبار


أما الشاعر مشرف الذرب من قبيلة السلقا من العمارات فهو شاعر وله قصائد كثيرة من قصائده هذه القصيدة يمدح الشيخ محروت بن هذال شيخ مشايخ عنزة فيقول :

يا الله اللي خالق كل العبادي = خالق الحيين وارواح مواحي ‏
عالم بالغيب يا زين المبادي = كاتب خمس الفرايض يوم لاحي ‏
راكب اللي ما عبوا له بالشدادي = مثل فوج الريح بالقاع السماحي ‏
ساري بالليل بسهال وجوادي = فوق دوج ما أيتوقع بالمراحي ‏
من هلي يا شيخ أنا عليك بادي = والعرب تأتيك من كل المشاحي ‏
سامكين البيت في حزم السنادي = يجذب الطرشان من كل النوا حي ‏
الكرم والطيب عزالله وكادي = تذبحون الحيل واذنابه افطاحي ‏
تعز المعتاز يا طير الهدادي = يا صبي الحرب يا كبش النطاحي ‏
يا أخو بتلا باللقا مالك مشادي = كنك أبو زيد من لح الحاحي ‏
حامي الوندات بخشوم الهنادي = مشبعين الذيب مع ضافي الجناحي ‏
مقدم الويلان بأيام الجهادي = ترهج المخلوق بأكوان الصباحي ‏
حزموا وقت المغيرب بالبرادي = يتبعون اللي بحربه ما استراحي ‏
ينطح اللي كثرهم كثر الجرادي = يسقي العدوان من بير الملاحي ‏

وهذه الأبيات من نوع الزجل تنسب للشاعر مشرف الذرب و البعض ينسبها لغيره و هي تحتوي على بعض المعاني يقوم :

قال اللي قوله ضباط = كلمتين بحرف خط ‏
حوط علينا الحواط = وأودع بالحماد انقط ‏
الجمل للدلو ماط = والرشاء للجال لط ‏
لا تغالط بالغلاط = ترى من يغالط سط  ‏
دنيانا فيها غطاط = ضهر قمرنا وأزرط
ومن تراخى خبزه شاط = يرث على البطن اغبط ‏
والماء لا وصل الأباط = ترى غالي شيلك غط ‏
كل حديدٍ له اخراط = والحمايل لها اسقط ‏


 

.
جميع الحقوق محفوظة © 2016 الراوي – سالفة وقصيد.