الشاعر قريم الدوسري يمدح خليل الحاكم المهيد

Share


الشاعر قريم الدوسري يمدح خليل الحاكم المهيد
الراوي عبدالله بن دهيمش بن عبار


من شعر الشاعر قريم الدوسري من الشكره هذه القصيدة يمدح الشيخ خليل بن حاكم المهيد بعد أن جاء وافداً على الشيخ خليل و امضى في مضيفه فترة من الزمن يتحين الفرصة لعله يسأله و في أحد الأيام حصل نقاش على قصيدة الشيخ راكان بن حثلين التي منها قوله :

ما قل دل و زبدة الهرج نيشان = و الهرج يكفي صامله عن كثيره

فأغتنم الفرصة قريم خلال هذه المناقشة وأستأذن من الشيخ خليل وقال : ‏

يا الله طلبتك يا مدير الهبايب = يا رافي الخملات حنا برجواك ‏
تفرج لمن كثرت عليه المصايب = يا غافر الزلات يا مجري الأفلاك ‏
وخلاف ذا شديت عوص النجايب = أنصاالشيوخ البينه عقب مانصاك ‏
خليل يا أبن مهيد جنك ركايب = ركايبٍ من ديرة البعد تلفاك ‏
ركايبٍ ما شدهن كل خايب = ولا ظن ينصن غير مثلك وشرواك ‏
صاعك كبير وتحتمل للنوايب = يا راعي العليا عسى الرب ياقاك ‏
شيخ ولد شيخ علومك عجايب = وأنت الجواد اللي كبارٍ عطاياك ‏
جدك مصوت بالعشا بالجذايب = في نجد ما عينت مثلك وشرواك ‏
ما قل دل وزبدت الهرج صايب = والهرج يكفي صامله دوم عن ذاك ‏
الدوسري قال العلوم الغرايب = مخطاك ماصابك وماصاب ماخطاك
وصلاة ربي عد مزن السحايب = واعداد بدو زوعوا في هداياك


Share
جميع الحقوق محفوظة © الراوي – سالفة وقصيد.