قصيدة للشاعر جلعود بن لافي الشمري

Share


قصيدة للشاعر جلعود بن لافي الشمري


قصائد لشعراء معاصرين مسنده على عبدالله بن دهيمش بن عبار


وقال الشاعر جلعود بن لافي الشمري يسند على عبد الله بن دهيمش بن عبار ويثني على الشيخ فهد بن عبدالله العويضة رجل الأعمال المعروف :

عبد الله العبار يا شهم الأخبار = يالوايلي زاكي النسب يا أبن وايل
ما ترفع الشكوى على غير الأحرار = ولا يحفظ المعروف غير الحمايل
أمانة الله دامت أيامك أسرار = وصل كتابي طيبين الفعايل
ود الكتاب مقدر الضيف و الجار = فهد العويضة له نسوق الرحايل
رحأيل الهقوات بالخير سيار = توجهت لك من جبل طي حايل
قله لعله من طويلين الأعمار = بالعز و التقوى و كسب الجمايل
يا الخال قله كاتب الخط محتار = ولا له سوى الله بالخفايا دلايل
و أبديت بعد الله خفاياي بأشعار = بأبيات شعر للعويضة قلايل
أنخي فهد حيث أن له بالوفى أذكار = يذكر كما تذكر مزون المخايل
فعايله جميعها ورد و أزهار = ضل لمن شاهد نجوم القوايل
و فكرت بأهل الجود يمين و أيسار = و غير العويضة ما لقينا بدايل
فهد العويضة نور و أهل الردى نار = ما غير أبن وايل يمد الجزايل
ولكل جيل دور و الدور له دار = و دار العويضة ما سكنها البخايل
آل العويضة متحف المدح و الكار = أهل الصخى في كل شتى الوسايل
أنخى العويضة أرفع الصوت تكرار = نخوى الحمايل في سلوم القبايل
و أنخى سلالة من على قب الأمهار = فهد العويضة ما نخيت الرزايل
و نخوى الرجال أمثالكم ما بها عار = تفزع لمن ضاقت عليه المحايل
عندي كتاب طباعته بأغلا الأسعار = و القل شين ولا ذكر به حصايل
و يوم أن حظي بالعويضة علي شار = كتبت له خطي عسى الخط طايل
و العوشزة ما للنشاما به أشوار = و الحنظلة ما أحد غرس له شتايل
و البوم ما عمره بوكر الصقر صار = ولا يلتجأ للناقصين الذلايل


Share
جميع الحقوق محفوظة © الراوي – سالفة وقصيد.