قصيدة للشاعر مفرح بن مليحان العنزي

Share


قصيدة للشاعر مفرح بن مليحان العنزي


قصائد لشعراء معاصرين مسنده على عبدالله بن دهيمش بن عبار


وهذه الأبيات من قصيدة قالها الشاعر مفرح بن مليحان الجعفري العنزي يسند على زميله عبد الله بن دهيمش بن عبار العنزي فيقول :

يا أهل النضى ياللي نويتوا تمدو = خوذوا جوابي للمعنى زميله
من الحفر ناصين عسى تمترو = للوايلي ما هو خطات العميلي
عبدالله العبار عنده تقهوو = حيثه يقدم للمسايير حيلي
عطوه مكتوبي واحذرا اناسو = و يجيك ما بالصيرمي له صهيلي
ولا باس لو عند المعنى تغدو = و عودوا لنا يا كرام بعد المقيلي
وقل للذياب الجايعه لو تاوو = ما من عشى و الثعلبي صار فيلي
بيني وأبن عبار صدوا وردوا = الياما يجي مضمون رد الفضيلي
حيث الدواء يا عياي مش مع الدو = و علم الفخر يقراه جيل لجيل
و الوقت يا مشكاي هو السبب هو = ذيب الخلا يزعج وراء عواه ويلي
أشكي وغيري من زمانه تشاكو = و أنا أدري أنه كل ما قلت قيلي
يا مل قلب تقل يحمس على ضو = عقب اللهب ينسف عليه المهيلي
و أودع ضميري يابس يبست البو = وخلا معاليق الضماير فتيلي
أحمس مثل عشب المشاتي بلا نو = أقفا الثرى و الوقت قرب يحيلي
من عقب ما زهى بالزماليق و احلو = كان التوى العرنوس صبح حميلي
هل الدبش عافوه و اقفو على الجو = شفت الظعن يبرى لخطو الرعيلي
ما فات ما ينعاد لو كثروا لو = و اللو ما يقصر بعمر طويلي
و اللو ما يحدد عمار تدانو = و أظن قولت اللو بالمستحيلي
أبي أعتزل مابي مجالس هل السو = أهل النمايم و الخزا و النقيلي
اللي على شذب المقفي تواصو = في هرج ما يمحاه كل المزيلي
بس أتذكر وقت فايت ما هو تو = رجل المكارم ما يساوي الرزيلي
وقت به الشجعان يوم يتلاقو = ولا كل من لاقا يصد القبيلي


Share
جميع الحقوق محفوظة © الراوي – سالفة وقصيد.