من شعر زارع البليعاني الموايقي

Share


من شعر زارع البليعاني الموايقي
الراوي عبدالله بن دهيمش بن عبار


ومن شعر الشاعر زارع بن عباد البليعاني الموايقي هذه القصيدة يسند على ابو موزان ولها قصة لا داعي لشرحها يقول :

نيران قلبي تلتهب يا ابو موزان = والعين من شوف المعادي غليله
يا من خبر يا ناس من دور رشوان = كيف الدخل يعوز وسط القبيلة
اليوم دفعت الدخل لابن فهران = وسعدون بن مليحان ما تستويله
وليه عشير يوم عشرت شمعدان = وان صارت اللزمات ينفض شليله
يقول حط السيف واضرب بعصيان = وانكل عن ضربات المعادي طويله
ماني عيول ولا لك الله فسقان = لا شك انا شفت الجفا والمليله
اضرب بحد السيف لو كان ما كان = اخير من زود القرابه طويله
والمعنقي عقب الطرد صار تعبان = عقب الزعاع اليوم بطل صهيله
ولاخير باللي صار كبش من الضان = عند المصوفر دون مثل الهميله

وقال زارع البليعاني الموايقي هذه الابيات من قصيدة :

قلت اه لا هاوي ولا مطرباني = بلاي علوم للضماير يعلن
اقول للي في كلامه شناني = اشن الذين خذوا مالك بلا من
البس اهدومك عن هوا الهرمزاني = لا بد معاصير الهبايب يهبن


Share
جميع الحقوق محفوظة © الراوي – سالفة وقصيد.