أبيات من شعر صياح بن بندر الفقير


أبيات من شعر صياح بن بندر الفقير
الراوي عبدالله بن دهيمش بن عبار


ومن جيد الشعر هذه القصيدة من نظم صياح بن بندر الفقير قالها بالشيخ سلطان الفقير شيخ قبيلة الفقرا من المنابهة يقول :

رقيت لي رجم طويل ومشهور = وفطن علي الرجم شيخ اخباري ‏
يا مرقب المرقاب خله لمسطور = متعود لنط المراقيب ضاري ‏
ضاري لعزل القوم مكمن وصابور = وكم هجمة خلا اهلها وقاري ‏
تتليه دكلات السبايا تقل قور = ويودع على نزل المعادي اغباري ‏
عشرين شيخ موكلينه على الشور = أبيض رداء ماله عقيد ايباري ‏
بيته كبير وشامخ كنه الطور = بيّن بشدات السنين العساري ‏
اللي على ربعه كما عالي السور = حافظ عليهم ما يبيع الدياري ‏
أمدح أخو نعمه به الطيب مذكور = ماهي الضباع الجاحرة والحباري ‏
أما خطات الشيخ ما هو بمشكور = بيته خفي وكل علومه اصغاري
أبوك ما ينفعك لا صرت مثبور = يمدح بفعله وأنت مقطوع طاري ‏


.
جميع الحقوق محفوظة © 2016 الراوي – سالفة وقصيد.