أبيات من شعر محسن بن رقاد العليمي


أبيات من شعر محسن بن رقاد العليمي
الراوي عبدالله بن دهيمش بن عبار


و هذه الأبيات من نظم الشاعر محسن بن رقاد يثني على محترك بن وريد أبو صلعا العليمي الرويلي فيقول :

جبت القلم وايضاً مداده مع البوك = ودي سطور البوك تكتب قوافي ‏
أبسند سطور القوافي بلا اشكوك = موزونة من دون شك اختلافي ‏
لأهل الكرم والطيب والعز مشبوك = زبن الدخيل وللهواشل ملافي ‏
محترك بن وريد طيبه به اصكوك = ريف الفقير اللي من الوقت شافي ‏
الطيب من جدك معقب إلى أبوك = معروفكم بالناس ما هو بخافي ‏
وقبل الختام أدعي لكم بألف مبروك = وأعلم ترى اللي قلت ماهو بكافي ‏

وهذه الأبيات من قصيدة للشاعر محمد بن جمعان الدوسري يثني على حامد بن رقاد العيلمي الرويلي :‏

حامد اليامنك جلست بمحله = بيّن له الدعوى من اقصاه لأدناه ‏
وعطه الذي عندك من الهرج كله = وأعرف ترى من قدم الطيب يلقاه ‏
أبوه حاش الطيب دقه وجله = رجل كريم وتذبح الحيل يمناه ‏

والهجينية لرجل يثني على قبيلة العلمة من المرعض من الرولة يقول :‏

كان العلامين فزاعي = نطيحهم كود يرمونه
ربع على الهوش بتاعي = دار المعادي يرودونه ‏

ويقول معزي العليمي من قصيدة هجينيه :‏

أنكل عن العقد يا زايد = لو الحويطات قوم لك
تركض على البيت وتحايد = وأعجلتني لا اتيقن لك


.
جميع الحقوق محفوظة © 2016 الراوي – سالفة وقصيد.