الشاعر بن ركبان الجوفي يمدح الشيخ مقحم وحاكم


الشاعر بن ركبان الجوفي يمدح الشيخ مقحم وحاكم
الراوي عبدالله بن دهيمش بن عبار


وهذه القصيدة للشاعر ابن ركبان الجوفي فقد وفد على الشيخ مقحم وحاكم المهيد وقضى مدة من الزمن لم يسألونه وفي أحد الأيام كان عند الشيوخ ضيوف فعملوا لهم وليمة فشاهد أبن ركبان الذبايح والرجال يصبون فوقها السمن فأرتجل هذه القصيدة في هذا الحفل يشيد بكرم الشيخين فيقول :‏

لفيت أنا لبيت تقاطر هواشله = مثل الوراد اللي يغرفون قليب
هذا منه مصدر وهذاك وارد = وذا يحتري دوره وهذاك قريب ‏
بيت لحاكم صدق الوسم فوقه = نوٍ تقافا به رباب وامصيب
مدهال سمحين الوجيه الحمايل = سهل جنابه للضيوف لبيب ‏
منارته عمال تاكل من حطب = حماسها يتعب وذاك يجيب
لكن ضرب النحاحيس وسطها = والنجر يضبح دوم له قنيب ‏
حاكم شجاع وللمواجيب يرتكي = لا شانت الأيام زاد بطيب ‏
لا هو بطفق ولا تغيّر مراجله = يمناه تنفق والكريم ايجيب ‏
حاش المراجل كلها محزمٍ لها = حصان إلى نشب الكديش عريب ‏
ولي مدة يا شيخ ما سايلتني = متفضي ولاني من بطاي مريب ‏
جيتك أنا يا شيخ من قالع النيا = بعيد المدى يا ما قطعت شعيب ‏
خليت أنا سبع الطوايف وجيتك = منيوب وحاديني عليك حسيب ‏
وصلتكم ما الحقت نفسي حسايف = الله لو قصر دونكم نصيب ‏
وزمالتي يا الله عليكم وصلت = لدياركم يا زبن كل هليب ‏
لا كعبت بنحور خيل الملبسه = والموت عند الخيرين حضيب ‏
تحدهم بالكون في لدن القنا = في ساعة فيها الشباب يشيب ‏
تقاصروا وسؤ البلا بايمانهم = السيوف قصبا والعروق عطيب ‏
يا شيخ شفي بكرة صيعريه = عريضة فقار وللشداد دريب ‏
مرفوعة الجبهة ومقطوعة النما = تهرف مع البيداء هريف الذيب ‏
أسيّر عليها صوب شيوخ مثلك = أجواد وفيهم للأجواد نصيب ‏
أنا بعيد الخيرين وقريبهم = ماني بمسكين مداه قريب ‏
أنا دخيل مقحم عن العوز والفلس = وعن كل سباب نباه غضيب ‏
إلى نوى الشيخ الكريم بعطيتي = انطحوه بهرج ما يصير مصيب ‏
كما أن مقحم حاكم ولد حاكم = وقلبه على لوعات الزمان لبيب ‏
ربيع الضعيف لاركب الموسم الدهر = وله بالمروة والمديح نصيب ‏
يركض على الطابور لو كثر جمعهم = عنه السبايا شرد وهذيب ‏
يروي شبات السيف في كل هده = لأبوه مركاض عليه تعيب ‏
مهيدات تتبع بالمراجل جدودها = وزلازل تنبت مناقع طيب
مهيدات منقع الندا لا شح الندا = عز الضعيف ومن يكون قريب
مهيدات تلقا نية الخير عندهم = كبار الرباع سطام كل حريب ‏
تمت وأختمها بصلاة على النبي = أعداد ما ورد القطين عزيب


.
جميع الحقوق محفوظة © 2016 الراوي – سالفة وقصيد.