قصائد من شعر زعازع العمري


قصائد من شعر زعازع العمري
الراوي عبدالله بن دهيمش بن عبار


ومن شعر زعازع العمري هذه الأبيات برواية عنتر بن عربان قالها يسند على الشيخ جدعان بن نايف بن مهيد (مصوت بالعشا) شيخ قبيلة الولد من الفدعان فيقول :

يا راكب من فوق كور القعودي = يفوج فوجات البحر مطرشاني ‏
ينحر شعيب الفيض يمه قصودي = عند أبو تركي هو مناخ العماني
قل قوم لقت قوم وصارت سعودي = وهفت حظوظ مقطعين العواني
يا شيخ ما نشره بكسر العمودي = ولا وطنك كاضمات العناني
أذكر محمد شوق ضافي الجعودي = بوجيه ربعي مطلقين اليماني
واللي يجرب فعلنا ما يعودي = لكود من هو جاهل ومغلطاني
العشره اللي نفلوهم بزودي = صمع القلوب اللي تروي السناني
نواف خيال الرمك بالسنودي = خيال وندات الرمك والحصاني

وقال زعازع العمري هذه الأبيات من قصيدة لها مناسبة :

يا علي ودمعي تهلهل من العين = تبكي على لا ما القلوب الحبايب
أنشدك ما عينت يا خساف يا شين = أبو فندي حاميك يوم الطلايب
من عندكم اقفت ضعون المعادين = أقفن بهم طايب على غير طايب ‏
واليوم صرت سواة بعض الغلامين = معطي عياله للهنادا قضايب ‏

ومن قصيدة لم نعثر عليها للشاعر زعازع العمري هذين البيتين يقول :

من ديرة العرسي اليا أم المناعير = بطرافهم مثل غليث السعاره
مركاضنا يشبع به الذيب و الطير = راحت على اللي ماشكى الظيم جاره


.
جميع الحقوق محفوظة © 2016 الراوي – سالفة وقصيد.