قصائد من شعر طويّل العماوي الحازمي


قصائد من شعر طويّل العماوي الحازمي
الراوي عبدالله بن دهيمش بن عبار


ومن شعر طويل العماوي الحازمي العنزي عدد من القصائد برواية سالم العماوي الملقب الشويب قال طويل هذه الأبيات يسند على سالم العماوي فيقول :

أمس الضحى عديت راس العدامه = وأخيل ظعون شرقت عاضبتني ‏
أشوف سالم يوم قاد الجهامه = ترعى الخطر ودروبهم شيبتني ‏
تبعتهم يا عل مابه ندامه = من شان غرو بالهوا شوشحتني ‏
عزاه للي ما يمالح طعامه = اللي مثل الظبي الخريش اذهلتني ‏
يا مجود السايات جود ابلامه = وتبلاه بالمقرود كان هي بلتني ‏
ربعي عيال العود عند الكرامه = تجلب رخيص ارواحها نومستني ‏
حوازم صمع اقلوبه علامه = ومن قو باسه يا ولد هولتني ‏

ومن شعر طويل العماوي الحازمي هذه الأبيات من قصيدة يثني على رجل يدعى مناع و أبو وقاف وبنيه فيقول :

ودك على مناع ولا أبو وقّاف = ولا على قرم النشاما بنيه ‏
عن التقا منزالهم راس مشراف = ومتقين بيت من التقا في خويه
ربعي عيال العود منزلهم أرداف = على الخلا جسرين وبوارديه ‏
أنا وأخوي بوسطهم عن الأطراف = ومكيفين عدنا بالزويه ‏

وقال طويل العماوي هذه الابيات يثني على الشيخ سطام بن فايز من شيوخ بني صخر فيقول :

عنيت أنا للشيخ من يوم خمسي = ربعت أبن فايز بزيزا بناها ‏
كل ليلة عنده ذبايح وحمسي = وصينيته بذناب حيل ملاها ‏
وضعافي ما تيقن الليل يمسي = أبن فايز سطام عابي اعباها ‏
يردون ورد الذود ربع وخمسي = حضر وبوادي ما عرفنا لغاها ‏
سطام شيخ للمناعير عمسي = ذوده مع البران تتبع هواها ‏
عدوهم ما يلمس القاع لمسي = ما ذاق مشتا الغور لو هو بغاها ‏

ومن قصائد طويل العماوي أيضاً هذه الأبيات بعد أن كبر سنه وضعف شوفه يقول : ‏

يا لله يا اللي بقدرتك تجري الأنهار = والأرض واللي ناعم من شجرها ‏
وخلاق رمل به رهاريه واضهار = وجيلان واللي نابي من حجرها ‏
واللي بغاها كلها دور ما دار = وإلى بغا في نصف ساعه عمرها ‏
جيّاب مزن من على الجو طيّار = بين السماء والقاع يأتيك يرها ‏
يا راب يامعبود يا والي الأقدار = طالبك ترجع للنواظر نظرها ‏
لمحلا رعي الوضيحا بالأقفار = وتخايل المقهور يمشي بأثرها ‏
أن روزمت عقب الزماليق لحوار = ما هي خطات اللي قليل سفرها ‏


.
جميع الحقوق محفوظة © 2016 الراوي – سالفة وقصيد.