قصايد للشاعر غانم بن عبدالله الغري


قصايد للشاعر غانم بن عبدالله الغري


قصائد لشعراء معاصرين مسنده على عبدالله بن دهيمش بن عبار


وهذه الأبيات للشاعر غانم بن عبد الله بن علي الغري الخمعلي يسند على عبد الله بن دهيمش بن عبار :

يا ما أحلا مع سجت العصر مسيار = يم الغلام اللي لشوفه نودي
يا ربعنا لازم نزور أبن عبار = قبل نروح من الرياض ونمدي
سلام مني عدد ما هل الأمطار = وأعداد ما هلت مزونه مسدي
واعداد ماشدوا على الهجن الأكوار = واعداد ما فوق الركايب ايشدي
واعداد ما زاروا على البيت زوار = واعداد ما صلى لنبيه مجدي
واعداد ما ساروا على القاع سيّار = واعداد ما شوف النظر يجرهدي
الله يجيرك من صواديف الأخطار = عسى المصايب عن مثيلك اتلدي
والله لك عندي معزة ومقدار = ما تنحصي بشعورنا لو تعدي
واقلبي اللي تقل يبراه نجار = كنه على حر الحدايد ايشدي
يا القرم كن القلب من موقعه طار = لولا الضلوع اللي لقلبي تردي
إلى تذكرنا بعيدين الأذكار = أمجادهم ما تنحصي لو نعدي

وقال الشاعر غانم بن عبد الله الغري هذه القصيدة أيضاً يسند على عبد الله بن دهيمش بن عبار :

يالقلب هيد لا بلا الناس بلواك = خليت حالي تقل يبراه نجار
دايم هواجيسه تجي ما تعداك = خلن ضميري له محل و معبار
يالقلب دايم لك مواثيق و أنهاك = و أنصحك عن مرافقت كل غدار
يالله ياللي كل خلقك ترجاك = يا حافظ اللي جالس بأوسط الغار
المصطفى اللي طاع لك ثم لباك = على رحوله نوخه عند الأنصار
يا الله يالمطلوب يا مدير الأفلاك = يا مطلع ذا النون من غب الأبحار
يا حامي بيت الحرم ضد الأشراك = يا حارسه للي تنصوه زوار
يا عون مظيوم زين لك و ينخاك = يا الله دخيلك عن صواديف الأخطار
أن دار دالوب الخطر نرد الأدراك = ماني ولد عفن على الغلب صبار
اللي يصيبك لو تتقتيت يلقاك = و اللي مسايف لو تبينت ما صار
قم يا نديبي خفف اليوم ممشاك = خذ الرساله ودها لأبن عبار
عطه الجواب و ثم عنده امعشاك = و إلى نشدك القرم تعطيه الأخبار
قرم إلى جيته وقف ثم حياك = و تلقا معاميله بها بن و ابهار
قله تراني ضايق لا عدمناك = نرسل لك المكتوب باللي لنا صار
أن حشت ما تبغيه ما حصل ذاك = صار الصديق اليوم هو شر الأشرار

وقال أيضاً الشاعر غانم بن عبد الله الغري الخمعلي هذه القصيدة يسند على عبد الله بن دهيمش بن عبار :

بديت بسم الله علام الأسرار = هو نجدت المظيوم عند اكترابه
أنا احمد اللي يعطي الخير مدرار = و أن اطلبه عبده سريع الأجابه
عيني قزت عن نومها و الكرى طار = من واهج بالصدر زاد التهابه
و الله لو اشرح همومي لتحتار = كلن مجهز في طريقه ودابه
ماني بشاعر مار نحب الأشعار = قلبي مع الشعار تومي اركابه
لمحلا مع سجة العصر مسيار = عند الصديق اللي عزيز جنابه
مع دلة تلقابها بن و ابهار = و اختامها مع التحية هلابه
في مجلس ما فيه حاسد و مكار = و اهموم قلبي ساكنات اركابه
دونك جوابي وصله لأبن عبار = قبل وديع الروح يأخذ حسابه
أرسلت لك قاف مزود بالأسطار = ولا جاء مرده يالسنافي باجابه
و اهموم قلبي ولعت بالحشا نار = نار شديد حرها بلتهابه
و أنا على شوفك مثل شوق الأمطار = لا هل من منشى مخيله سحابه
ولا أنت بعليمي من اقاف محتار = و القاع ما تساوي شوامخ هضابه
و الله ما قلته مجامل و مكار = قافك مع الأقطار كلن قرابه
مع التحيه نرفعه سر و أجهار = للوايلي و اللي حضر ما درابه


.
جميع الحقوق محفوظة © 2016 الراوي – سالفة وقصيد.