قصايد للشاعر مطرد بن عياط الرويلي


قصايد للشاعر مطرد بن عياط الرويلي


قصائد لشعراء معاصرين مسنده على عبدالله بن دهيمش بن عبار


و من قصيدة قالها مطرد بن عياط الرويلي يسند على عبد الله بن دهيمش بن عبار يقول :

سميت بسم الله منشي سحابه = الواحد الرحمن خلاق الأكوان
حي الكتاب اللي لفاني هلابه = ديون أبن عبار يا نعم ديوان
عبد الله العبار يكرم جنابه = قرم عرف مجناه من روس ويلان
من ساس قوم باللقا له مهابه = عدوهم عاقوه ما فيه نكران
ألف لوايل قول صدق صوابه = هرج صحيح وصار للهرج برهان
القرم ماضيهم يوضح اسبابه = ترخ لهم تاريخ من دور شيبان
تاريخ وايل ولفه واعتنابه = واللي حكا بالصدق لابد ربحان
ذكر فعايلهم بدور الصحابه = علوم بعيدة من قديمات الأزمان
القرم ملزوم عليه جوابه = قيل يشابه در زينات الألبان
وأرجو السموحة يالصديق القرابه = سامح عن التقصير يا طير حوران
لا شاعر قلته ولا أريد جابه = ولاني من اللي يوزن القول قيفان
قلت الجواب ولا بقيلي معابه = قاله مطرد من صماصيم ربشان
وصلوا على اللي في حديثه مثابه = نبينا المختار من نسل عدنان

وقال الشاعر مطرد بن عياط الفالح الرويلي أيضاً هذه القصيدة يسند على عبد الله بن دهيمش بن عبار :

أرسل لأبو مشعل جزيل السلامي = و أهدي لأبو مشعل سلام و تحيات
القرم عبد الله رفيع المقامي = بالمدح نرفع له من البيض رايات
اللي رقا في راس عالي السنامي = اللي كسب بالطيب و العز طولات
اللي إلى جيته يرحب اشمامي = الوايلي للضيف يعمل كرامات
و نعم بربعه في نهار الزحامي = فدعان يوم الكون يثنون ردات
و النعم لا حل اللقا و الخصامي = فرسان لا ركبوا على الخيل عجلات
بواجت الديره بخوض الكتامي = خصيمهم عاقوه يوم القوامات
شاهدهم التاريخ ما جو ملامي = وأفعالهم بالطيب ما هي خفيات
مقدمهم أبن مهيد نسل الكرامي = الشيخ للجيعان يرفع بالأصوات
والنعم بأبن غبين نسل الحشامي = يعطي العطايا الشيخ من غير منات
وأبن قعيشيش اللي يقود الجهامي = والشيخ أبن حريميس له علم بثبات
أنتم هل الطولات شرق وشامي = يشهد لكم التاريخ يوم المثارات
أنتم فخر عناز يوم الحسامي = حيث الصحيح يقال في كل الأوقات
الشعر ديوان العرب بالتمامي = هذا هو المعروف ماهي دعايات
و صلوا على المختار خير الأنامي = الهادي البشير يوم الشفاعات

ومن قصيدة طويلة للشاعر مطرد أيضاً هذه الأبيات يثني على عبد الله بن دهيمش بن عبار :

سلام أحلا من نسيم الصباحي = يهدا لأبن عبار عبدالله اشمام
نطلب له التوفيق طير الفلاحي = ويكفيه ربه من غثا كل لوام
وقبل الختام المعذرة والسماحي = حيثك عزيز ومن عزيزين وأكرام


.
جميع الحقوق محفوظة © 2016 الراوي – سالفة وقصيد.