قصيدة ابن حزول الموينع


قصيدة ابن حزول الموينع
الراوي عبدالله بن دهيمش بن عبار


هذه القصيدة من شعر ابن حزول من الموينع من السبعة ولها قصة لا داعي لذكرها قالها يصف فعل جماعته وينوه عن شجاعة الفارس مغير الهينامة الفريعي فيقول :

يا راكب من عندنا فوق مذعور = اسرع من اللي طالعت زول حواش
يلفي على ملفاه في فجة النور = الشيخ اللي ملبوسه الجوخ وقماش
قله لفتنا اجموعكم كنها القور = وصار المعابك عند قطعان الادباش
جونا حمول الخيل مع راس حادور = حس المشوك يودع الراس ينداش
وردوا هل العرفا على كل مسطور= وصاحوا عليهم يوم الاشناب كلاش
وصار الملاقا وارتقص كل ممرور= يوم ان به الرعديد بالكون ماهاش
راح العديم اللي به الهوش مشكور = خلا جنينه فارس الخيل وانحاش
ومغير غدا للنشاما ما تقل سور = حس النخاوي يرعب الخيل بخراش


.
جميع الحقوق محفوظة © 2016 الراوي – سالفة وقصيد.