قصيدة الشاعر خالد بن رمضان السويلمي


قصيدة الشاعر خالد بن رمضان السويلمي


قصائد لشعراء معاصرين مسنده على عبدالله بن دهيمش بن عبار


وقال الشاعر خالد بن رمضان السويلمي هذه القصيدة يثني على زميله عبد الله بن دهيمش بن عبار فيقول :

لا هنت ياللي ظيم همي شعربه = تسلم يابو مشعل و عاداتك الطيب
تقول عونك كان حاديك كربه = جابك قنيبي من حميالك يا ذيب
ولا و الذي سخر هبوب صخربه = ري الكبود برحمته عالم الغيب
ما هي غريبه منك فعلك فخربه = من يفتخر بالطيب عند الأجانيب
رقيت عسر طال غيرك عثربه = من رام دربك جنبه غصب تجنيب
للطيّب سباق وبالطيب حربه = أشهد ويشهد حافظين المواجيب
سابق جميلك صابني وأفتخر به = فزعة قريب أعتزبه عزت الشيب
يامن طويل المجد علا وشهربه = غير الحميا ما ذكربك عذاريب
همي سموم وضل شمسك كسربه = وضللتني عن حاميات اللواهيب
يا طير وايل فرحت اللي صقربه = ترفع لك البيضا بروس المراقيب
يالنادر اللي علم صيتك ظهربه = علم الفخرمن نبع صاف المشاريب
ولا هنت ذخر اللي زمانه غدربه = ياللي خويك دوم ما يلحقه ريب
ولا هنت رددها خفوق نشربه = برد الثناء عطر الزهر بالمكاتيب


.
جميع الحقوق محفوظة © 2016 الراوي – سالفة وقصيد.