قصيدة بشر بن غازي الشمري في مدح مقحم بن مهيد


قصيدة بشر بن غازي الشمري في مدح مقحم بن مهيد
الراوي عبدالله بن دهيمش بن عبار


أما الشاعر بشر بن غازي الشمري فقد تعرض لظروف في حياته ولجأ إلى الشيخ مقحم بن مهيد مصّوت بالعشا شيخ الفدعان من عنزة وشكاله ظروفه بقصيدة طويله منها هذه الأبيات يقول :

أبدي بقيل بين للفهيمين = ما به غلط كله بدرب العداله
من بشر بن غازي جوابه غدا زين = نزه الشوارب عن دروب الرزاله
يا مقحم ابن مهيد جيناك عانين = نبي العلوم الطيبه والجماله
جيناك يا أبن مهيد بالعمر ناصين = زبن المجنا اللي تزبن بحاله
من عقبكم مالي صديق يحاكين = أنشد غريب الدار وشي حواله
يا شوق غرو من بنات الشعالين = وامحصنه راعي الهوا ما حكاله
بنت الذي يحمي عقاب المقفين = بنت الشيوخ معربين خواله
الزول مطرق حور عوده بها لين = يا حظ من هي يا أخو قطنه حلاله
الله عطاها الحسن يا شيخ والزين = عز الله أنه تستوي لك خياله
مقحم دخيل الله يعوذه من العين = يعلها من راس مال عياله
في جاه رسل عند ربه حبيبين = عساه دوم بعز والخير فاله
ويا ناشدٍ عنا ترانا قحاطين = وصلب العرب منا نعده غياله
من صلب لابه ما تطيع المشيرين = رجالهم يجزم لو أنه لحاله
عنيت لك يا شيخ من لوعت البين = واللي يشوف الضيم يترك عياله
أنا اليامني تبين لي الشين = والسيف داثر ما تجي في ضلاله
أنا سلايل مبعدين المكامين = وإلى جفتنا الدار نلقا بداله
حناعلى الناموس والصدق قاسين = نصبر إلى ركب الرشا بالمحاله
دايم على المعروف والخير مهدين = واللي ما يهدي خير يوخذ حلاله


.
جميع الحقوق محفوظة © 2016 الراوي – سالفة وقصيد.