قصيدة دليل بن سلطان العنزي


قصيدة دليل بن سلطان العنزي
الراوي عبدالله بن دهيمش بن عبار


وهذه القصيدة للشاعر دليل بن سلطان العنزي يقول :

يا ربعنا دنوا هميم الركايب = شدواعلى العيرات حرش العراقيب ‏
قوموا لفك اللي سرى بالقرايب = كسر الحجاج أن كان هويمكم جيب ‏
أسروا وطقوا رقابهن بالذرايب = عن شف مجهول يدور التخاريب ‏
دليل يزهمكم بسوق الجلايب = للشيخ اللي يطلب لفك المغاليب ‏
راعي مضيف فوقه السمن ذايب = ما ينعرف قومانها والأصاحيب ‏
راعي مضيف بالسنين النوايب = عسّاف لرقاب الرجال المصاعيب ‏
تلوا نجوم حورفت للمغايب = كن الرديف إلى التفت ينهشه ذيب ‏
وردوا على عدٍ اجمامه نهايب = من كثر ما يردنه الفطر الشيب ‏
دليلهن في لاهب القيض شايب = لا طالت المدة علومه تعاجيب ‏
الجدي خليته كما وصف سايب = مثل الزمايم في خشوم الرعابيب ‏
لمحلا المفرع بوسط القطايب = في ربعة ما فارقوها المعازيب ‏
لقيت لي غرو يكد الذوايب = ويفرق جديله عن سوات الأشابيب ‏
القرن يشبه حاميات اللهايب = غديت من شوفه جروحي معاطيب
يا خشف ريم مرتعه بالشعايب = حذور ما يرتع بروس المراقيب ‏


.
جميع الحقوق محفوظة © 2016 الراوي – سالفة وقصيد.