قصيدة شاعر يجاري خلف بن رخيص


قصيدة شاعر يجاري خلف بن رخيص
الراوي عبدالله بن دهيمش بن عبار


وعارض أبو زويد شاعر لم نتوصل لمعرفة اسمه يقول : ‏

يا هيه ياللي فوق عوج المصاليب = هجن هجاهيج عراب عجيبه ‏
شيب الغوارب سايجات المحاقيب = الفين مشدودات كلش نجيبه ‏
أن جن هجافى وخاليات المزاهيب = رامن هدفهن عقب بطو المغيبه ‏
عليهن اللي مشتهين المعازيب = شاموا لراعي مسندٍ ينهقي به ‏
وإلى طلعتوا مع خلول العراقيب = نار أبن عبدالله توقد لهيبه ‏
هذاك محمد دوم سبّاق للطيب = الضيغمي مشهور كلن دري به ‏
حرٍ تعلى بعاليات المراقيب = وفحج على الشيخان من زود طيبه ‏
لو يشتهي حط الأوادم حواطيب = غصب بحد السيف غلب وغصيبه
خم الجنوب وخم شرق وتغريب = وكونه على الوديان ما ينحكي به
أخوا عليهم مثل ما يخوي الذيب = وتزبن البشري شرايد ذهيبه
الشيخ يزهن له عيون التشابيب = والمشتبه ينهج لشبهه يجيبه
بنات ما دبر عليهن بتحسيب = ولا خايلن ورد الدبش مع عزيبه ‏
بنات مروين النمش والمغاليب = ضياغم عقب الجدود العريبه ‏
يا ما عطوا من زاهيات الدباديب = وخيل تنسف بالمعاذر سبيبه


.
جميع الحقوق محفوظة © 2016 الراوي – سالفة وقصيد.