قصيدة عتيق بن مطلق بن رمال يثني على الشعلان


قصيدة عتيق بن مطلق بن رمال يثني على الشعلان
الراوي عبدالله بن دهيمش بن عبار


وهذه الأبيات من قصيدة طويله قالها عتيق بن مطلق بن رمال يمدح الشيخ النوري بن هزاع الشعلان ويعم الشعلان وقبيلة الرولة فيقول :

جينا لشيخان على الحرب عاصين = حامينها عن كل خوف ومذله
يا حي والله قربكم يالشعالين = قريبكم ما جاه ظيم وممله
قريبكم ما قيل ديور ولا شين = يدله مع الويلان ما أحدٍ فطله
يا مدلهين الجار ما أنتم خفيين = شيماتكم بدت على الناس كله
حكام فريس شيوخ وسلاطين = والكل منكم لا أخذ الرمح بله
وفهدكم اللي صيدته نادر العين = واليا مدحته صيدته فاطنله
أبو نواف اللي على الخيل نعمين = إلى ركب فوق الجموح السمله
ويا علكم طول الليالي عزيزين = بجاه الرسول وجاه من يطلب الله
ولا قلتها قصدي مدور تثامين = الرزق من ربي وأنا خاضعله
وصلوا على اللي بيّن الحق والدين = المصطفى شفاع للناس كله


.
جميع الحقوق محفوظة © 2016 الراوي – سالفة وقصيد.