قصيدة عويد الشبو المصلوخي يمدح السلقا


قصيدة عويد الشبو المصلوخي يمدح السلقا
الراوي عبدالله بن دهيمش بن عبار


وهذه الأبيات من شعر عويد بن محمد بن نهار الشبو المصلوخي يمدح قبيلة السلقا من العمارات فيقول :

ودك تشد مخمره عدلت الزور = منوت غريب منتوي له بنيه
حمرا ردوم وفوقها الدل منثور = خبيب ذيب إلى أعتدا بالشليه
وإلى لكشته بالعصى تقل ماطور = أو لمع برق حاديته ابرديه
مدت من المدرع على فجة النور = وقبل غياب الشمس بالعجرميه
وان اعترضت فروعها كت بحدور = تلقا البيوت مشيده بالركيه
مشولحات عدهن شمخ القور = كلن بكبر البيت غالط خويه
وأن جيتهم ما وفروا كل مذخور = وعقب التعب يرتاح راعي المطيه
صابورهم عسر على كل صابور = سلقا يردون العدو عن نويه
وأن انكسر ضل العصرشبر شابور = الدخن يسمك بالرباع الفضيه
توحي صليل انجورهم تقل مزهور = يجذبك للمسيار ممشى اضحويه
ما هو دنين مليوي باوسط الدور = تقول يسحن له حاجة من دويه


.
جميع الحقوق محفوظة © 2016 الراوي – سالفة وقصيد.