قصيدة عويّد عبد الله العنزي


قصيدة عويّد عبد الله العنزي


قصائد لشعراء معاصرين مسنده على عبدالله بن دهيمش بن عبار


وقال الشاعر عويد بن عبد الله العنزي هذه القصيدة يسند على عبد الله بن دهيمش بن عبار :

سميت بسم الله علامم الأحوال = الواحد اللي كل عبد يناجيه
الواحد اللي للشرابيك حلال = أنشأ السحاب و نزله من مناشيه
بديت بسمه و أطلبه حسن الأعمال = ما خاب عبد يرتجي من حسانيه
يامل قلب به مع الهم ولوال = و العين عافت نومها مالها فيه
يا راكب اللي لمشي يطوي الأسهال = جمس جديد و للمطاريش حاسيه
جمس على التمرين ما عد الأميال = منوة غريب ناهج يم غاليه
قم يا نديبي وصله طيب الفال = عبد الله العبار تسلم يمانيه
عطه الكتاب و جب لي الرد بالحال = و أعطه جوابي حيث يدرك معانيه
منذ وصلنا ردكم و العنا زال = و من سجل الأشعار بي يعافيه
ما همني يا مسندي جمع الأموال = يرزقني اللي رزق خلقه بأياديه
لو أن المال يخلي الهيس رجال = لو هو هلاسه يرفعه قل واليه
و أشوف ناس همها القيل و القال = بس النمايم شغلها ما تخليه
و احدهم كانه انطلق تقل دلال = و إلى بغى يسولف خباث مهاجيه
جعل يصيبه يا فتى الجود سلال = حيث الردي يالقرم ما أحد يدانيه
عليك بالمنعور لا حدك اللال = من جاء يمه بالبشاشه يباديه
وصلاة ربي عد ما هل همال = على محمد عد ما جيب طاريه

وقال عويد بن عبد الله العنزي أيضاً هذه القصيدة يسند على عبد الله بن دهيمش بن عبار :

هات القلم سجل من الشعر مامليك = و أكتب على القرطاس أحلا المثايل
ورتب على القرطاس ربي يخليك = مثايل جزلات ماهن هزايل
من فن بدعي عسى ربي يعافيك = ودي لأبن عبار تكتب رسايل
سجل لأبن عبار سلمت يمانيك = الشاعر المشهور راعي السجايل
الشاعر اللي بالفصاحة ينابيك = عبد الله العبار وافي الخصايل
لا جيت يمه بالبشاشه يباديك = عز الرفيق و عوق من جاه عايل
أمدح أنا الطيب ولابه تشاكيك = أقولها و الله و الشك زايل
يا عل يالمنعور تنجح مساعيك = بجاه الولي مولاي منشي المخايل
و يا عل دايم شامخات مبانيك = و جعلك تحوش الطايله و أنت طايل
و الله مالي مقصد كود باغيك = ترقى سنام المجد يا نسل وايل


.
جميع الحقوق محفوظة © 2016 الراوي – سالفة وقصيد.