قصيدة للشاعر الطرقي بن مرغل الأشجعي


قصيدة للشاعر الطرقي بن مرغل الأشجعي


قصائد لشعراء معاصرين مسنده على عبدالله بن دهيمش بن عبار


وهذه الأبيات للشاعر الطرقي بن مرغل بن عسكر البلعاسي الأشجعي قالها مجاراة لأحد قصائد عبد الله بن عبار يقول :

ابدي يذكر اللي على الخلق رحمن = رب خلق خلقه على اشكال و اجناس
رفاع سبع ثبتت دون عمدان = وسبع بسطها سامك العرش بقياس
من طين آدم كونه ربنا و كان = ونفخ به الروح الزكية ابلأنفاس
و من بعد ذكر الله دونت قيفان = رداً على من يكرم مجود الساس
عبد الله دهيمش له الطيب عنوان = الله يديمه دايم شامخ الراس
يا من جمعت جموع وايل بديوان = و يجلت فعل أبطال ربعك بقرطاس
سجلت تاريخ الأوايل على شان = يبقا لنا في عبر الأجيال نبراس
الله يثيبك على جمعه بالأحسان = دعيت لك من قلب وشعور و أحساس
الكل منا لك يا أبيض الوجه مندان = وأنت الذي من اجلنا للخطر داس
نعتز في فعلك على طول الأزمان = لا جاء مجالك بيننا بكل مجلاس
وشكرتنا وارسلت شكرك بقيفان = ومن حقنا يا طيب الخلق والباس
رحلتك اللي دونت في عذب الألحان = تشكر جميع اللي تعزوى من جلاس
واللي شاهدته فرحة فيك وكدان = يفداك من هو للمعازيب لغاس
ولمثلها ندعيك يا طيّب الشان = أنته واللي تحب تدعي من الناس
لبيوت بدو شامخة تقل ضلعان = دعوة مود لجلسة تغدي الأعماس
بالموقع اللي ننوجد فيه ذلوان = أعطيك وصف واضح لك عساس
شرق الحفر غربي مكينة رميثان = عن الحفر ستين كيلوا على قياس
ما قل دل و زبدة الهرج نيشان = و انت الفهيم اللي للأمثال سياس
وصلوا على من أرشد الأنس و الجان = عسى لنا من كوثره ذرفه الكاس


.
جميع الحقوق محفوظة © 2016 الراوي – سالفة وقصيد.