قصيدة للشاعر العقيد بن حريمس النومسي


قصيدة للشاعر العقيد بن حريمس النومسي


قصائد لشعراء معاصرين مسنده على عبدالله بن دهيمش بن عبار


وهذه القصيدة قالها الشاعر القعيد بن حريميس بن فهد النومسي يسند على عبد الله بن دهيمش بن عبار العنزي :

جاني جواب منطقه يرفع الراس = كتبه نظيف و منطقه حي فاله
أهلا عدد ما حن بالسحب رجاس = و اعداد طشات المطر في خيالي
خطٍ قريته للمفاهيم نبراس = جواب أبو مشعل نظيف الرساله
يالوايلي تبني على موثق الساس = بني بنيته حافظه عن خماله
حكيم ما تمشي على دق الأجراس = ولا تاخذ الا من وثيق العداله
دايم توكد ما تبي رد عساس = حكمة وثيق الراي تاخذ اجزاله
مالك هدف في عد توليف الأجناس = اللي ما هو بالجد مالك وماله
لك معرفة في كل الأخبار حساس = أنت الذي لك بالتجارب شكاله
لك في صعيد أخبار الأيام مقياس = على مداها لك فروع اوكاله
وأنت الذي بغبات الأمواج غطاس = تغوص في شعبه وتصعد اجباله
رايك صعب يدوس الأخطارميداس = ومرقاك بالعليا رفيعٍ نواله
لك بشموخ المجد مصعد ونوماس = ولك في سنام المجد موقف رجاله
تدري هذاليف البشر يقضهاعماس = واللي يهين الراس لا طاب فاله
واللي تجاهل موقف العز والباس = لا عاشت أيامه ولاني بحاله
هذاك بالموضوع ما عنده احساس = يادوب فكره بين همه وحاله
رصيده الأصفار في بنك الأفلاس = صفراً من الخانة يحده شماله
حفره على راس جبابيره ادماس = جرف على راعيه يرجع هياله
ترجع دليه من جبا الجم يبّاس = تقصر عن الجمة موارد احباله
ما فيه حب الأوله غيف وأكداس = ولا فيه عود الا بجنبه مياله
حتى الذهب يصيربه صفروانحاس = ما فيه شي الا ويجي له احثاله
يا بعد فرق اطبوع ناس على ناس = بين البشر فرقٍ بعيد مجاله
منهم على روم العلا يجذبه ماس = دايم على العليا قوي نضاله
وفيهم منافق للعراقيب نبراس = ومنهم فصايل من طبوع الثعاله
ومنهم ملاحق بالمشاهيب مقباس = وده يولع نارها بشتعاله
هذا و صلى الله على خيرة الناس = عد الشهور و عد ما ابدر هلاله


.
جميع الحقوق محفوظة © 2016 الراوي – سالفة وقصيد.