قصيدة للشاعر جبير القبيسي يمدح الشيخ مقحم


قصيدة للشاعر جبير القبيسي يمدح الشيخ مقحم
الراوي عبدالله بن دهيمش بن عبار


وهذه القصيدة للشاعر جبيّر بن قاسم القبيسي يمدح الشيخ مقحم بن مهيد ( مصوت بالعشا ) :

يا راكب حرٍ زها الدل والكور = بس السفايف عاقبه للخفافي
حرٍ عضوده مبعدات عن الزور = يشبه لكدري على العش لافي
يلفي بيوت كنهن شمخ القور = بيوت لمقحم للهواشل ملافي
يلفي على بيت عسى دوم معمور = مضيف أبو النوري ربيع الضعافي
سلّم على اللي ماكره ماكر صقور = وسلم على شيخ العرب والريافي
وسلم على مقحم للأموال ناثور = مقحم هو اللي للملايين هافي
يا شيخ طيبك بالمخاليق مشكور = طيبك على من يفعل الطيب نافي
أنتم هل التصويت في بر وابحور = وأنتم معيشين اليتاما الهوافي
تلقا الصياني وسطها الرز والمور = واذناب حيل فوقها السمن طافي
كم قلطوا للضيف من شمّخ الخور = ويا ما رموا فوق الصياني هرافي
لاصار وقت شين مع ضكت دهور = عذروبهم قولت تهنوا عوافي
وأن صيّح الصياح يأتون صابور = بأيمانهم تنظر لميع الشلافي
وكم واحدٍ خلوه بالقاع مثبور = واللي وقع بنحورهن للذلافي
يا شيخ ياللي دوم بالخير مذكور = حرٍ شهل من ماكره وين لافي
حرٍ فقع من عين عيسى عن الجور = يا عل ما نفقد هذاك السنافي
طلق اسبوقه وأرتفع فجة النور = نفسه عزيزه ما تحب الخلافي


.
جميع الحقوق محفوظة © 2016 الراوي – سالفة وقصيد.