قصيدة للشاعر خضير بن هليل المضياني


قصيدة للشاعر خضير بن هليل المضياني


قصائد لشعراء معاصرين مسنده على عبدالله بن دهيمش بن عبار


وهذه القصيدة للشاعر خضير بن هليل المدعج المضياني يسند على عبد الله بن دهيمش بن عبار :

سر يا قم و أكتب قوافي من الجاش = ملزوم تمشي خل عنك الخرابيش
مثايل ما قالها كل هلاش = قريحتي هاضت و جني مراهيش
قافي بنيته من ضميري على آش = الشين يحكم لي طرفها كما الشيش
سلام يا اللي تفرح بكل هتاش = بأحلا منامك قبل طلوع الغطاريش
سلام ياللي بالمسايير بشاش = طبعيتك ما اطنش الضيف تطنيش
عبد الله العبار للطيب حواش = القرم ضد اهل القلوب المغاشيش
لو هو بدور فات للخصم نطاش = خلا القلوب الصم تصبح مخاريش
اللي كلامه تقل عبرود رشاش = دايم تصيب الجوف ما تنقلب طيش
منطوق لفظه كنها طلقت اكلاش = من صلب صافين الحديدة حناتيش
أنت الغيور لمعدنك ما بك اغشاش = وقفت ضد المخبثين المحاريش
السان وايل كلمة الزيف ما ناش = أنت صدوق وعاف ما ختلج بيش
الله رفعك عن المهازل و منحاش = يا طيب جنسك ما تطولك مناقيش
ليث صميدع تسرد الصدق بنقاش = مفتاح فتاح القفال المباليش
اللي مجنب ما انت للوجه خماش = وللمعترض نطاح وأتفهم الديش
تاريخ وايل حافظه مابه اغباش = الله يحفظك حافظه عن ختاريش
اشكرك يا موفي الديان من كاش = أنت اللطيم بصامل الهرج مانيش
شعرك غزير كالمحيطات والطاش = الله وأكبر ما ينلحق له على قيش
من لابةٍ وأن صار للخيل شوباش = إلى اعتلوا قب المهار المطانيش
اللي يصير بوجه الأروام ما عاش = بمهند وعود القنا والبرابيش
يتلون منفق زاده وكل ما حاش = اللي يصّوت بالعشا للطراريش
يوم السنين القاحلة مابها آش = أبن مهيد مبرك الكوم بالعيش
يعل وجهك دوم أبيض من الشاش = من حيث ماتكما الحسب بالمناويش
أفخر بفعلك يا أبو مشعل وشواش = بطاريك غدا شعر راسي مشاويش
معدنك مني وأنا للضد هواش = على بعضنا ما تغرينا البخاشيش
أسمى تحية شكر معجب وعطاش = ظميان كبد وكل احساسي معاطيش
أحب أنا الطيّب ولا اصادق اللاش = أحب أنا الصادق وأرفض مماليش
ما قلتها رجوى ولا أداري الواش = قلته معزه لك ولابه تفاتيش
حيث أن قافك ينعش قلوبنا انعاش = الصدق خش بداخل العقل تخشيش
غيور زعال لمن عال كفاش = واللي يحيد تكلبجه بالمكافيش
شاعر جسور ويلطم الضد بطاش = المبغضه صاروا بفعله مباطيش
حرٍ قطامي يعطب الصيد نتاش = منه الحباري تدرق بأبرق الريش
أبزع بزوع بطلعت الجول مهتاش = يمناه تدمي والحباري مفاريش
بخميلة عذلا عن البدو و أوباش = أخطة عسوس البادية بالمطاريش
طرب له الصقار و الخرب منداش = بخميلة بالوسم عشبه نشانيش
هدا وغدا و أخذ ما صاد ببلاش = من فعل طيره طشش البرق تطشيش
نزل بروض بغير مركا ولا افراش = بكرز البختري ما تناله حواشيش
قاع الحماد به براخيص و ادشاش = متفاخر بين القنوص المغابيش
حديثهم طيره و هو بالفخر شاش = بزين المثايل جن بطيره مداهيش
الله جمع حواشة الطيب و اهشاش = و أستأنسوا أهل الوجيه المباشيش
وصلاة ربي عد ما ماشي ماش = على المبعوث خير المطاريش


.
جميع الحقوق محفوظة © 2016 الراوي – سالفة وقصيد.