قصيدة للشاعر سعيد مشحن البلوي


قصيدة للشاعر سعيد مشحن البلوي


قصائد لشعراء معاصرين مسنده على عبدالله بن دهيمش بن عبار


قال الشاعر سعيد بن مشحن البلوي هذه الأبيات من قصيدة يسند على عبد الله بن دهيمش بن عبار :

القاف وجهته على نسل وايل = عبدالله العبار من نسل وايلي
الشاعر اللي بأطيب الشعر قايل = بأحسن معاني للمثايل قايلي
كلام ما يبغي شهود ودلايل = و أنا كلامي حاضرات دلايلي
قريت شعره و أعجبنا المثايل = و اللي موجه له ورد مثايلي
با قول له يا نسل روس القبايل = اللي لهم تشهد جميع القبايلي
وجهت لك قافي و أنا فيك طايل = للطيب دايم في هل الطيب طايلي
يشكي عليك أسلوب بعض الحمايل = يا القرم ما تخفى عليك الحمايلي
اللي يفشوا غلهم بالخلايل = يا خوي قلي ويش ذنب الخلايلي
لا صار ما بين الحمايل غلايل = على الخلايل يرجعن الغلايلي
لا صار بقلوب الحمايل علايل = أهل الهوى وش ذنبهم بالعلايلي
و أنا من اللي حظهم صار مايل = يا الله ذخيلك صاير الحظ مايلي
يا الوايلي دمعي على الخد سايل = دايم وأنا دمعي على الخد سايلي
بقهر دموعي بس غصب تهايل = و العين قالت يا دموعي تهايلي
و عجزت في قلب العنا لا أتحايل = قل كيف في قلب العنا باتحايلي
جتك الرسالة مع بريد الرسايل = تاصلك بحول الله سريعة رسايلي
و الرد ما نبغاه فوق الأصايل = بالطايره يسبق جميع الأصايلي
تراي أنا اهملت كل الرجايل = و السايرة و الطايرة من رحايلي
تحت المكيف عن سموم القوايل = ما كن تعبرنا سموم القوايلي


.
جميع الحقوق محفوظة © 2016 الراوي – سالفة وقصيد.