قصيدة للشاعر فاتني ذكر اسمه


قصيدة للشاعر فاتني ذكر اسمه


قصائد لشعراء معاصرين مسنده على عبدالله بن دهيمش بن عبار


وهذه القصيدة كتبها أحد شعراء عنزة يثني على عبد الله بن دهيمش بن عبار و مع الأسف أن أسم صاحبها كان في ورقه أخرى فقدت و هو يقول :

سلام ياللي يرفع الراس طاريك = و أن دار بالمجلس حديث الرجالي
ياللي إلى حل الفخر نفتخر فيك = دمت وسلت يا أبن الأجواد غالي
يا أبن دهيمش حينا الله يحييك = ترى طلبنا يا أبن الأجواد غالي
أولك وآخر عهدنا بك وتاليك = أصفى من الدينار هو والريالي
من ما خبرنا بيننا جيت ناصيك = لا هانك الله يا كريم السبالي
والعلم ما يخفا ولا هو بخافيك = يالوايلي نبغاه صافي زلالي
من أجل مايحدث تضارب وتشكيك = وأيقال قال فلان وفلان قالي
يالوايلي قال الحقيقه ابناخيك = ما هي علوم أهل العلوم الهزالي
جرح المشاعر ما يسرك ويرضيك = ياللي هدف حضرتك بالحيل عالي
يا ولد أبن عبار تدخل لباريك = عن ذكرهم لا هنت ماله مجالي
غير الحقيقه وش يهمك ويعنيك = لا صار مالك من وراهم حلالي
الله يدلك للحقيقه ويهديك = الواحد اللي له تخر الجبالي
أرجوك يا عبدالله الله يخليك = أنك تطيع وتستجيب لسؤالي
من ما حصل كني على نار وأتريك = يومين يا مشكاي ما ارتاح بالي
كم ننتظر للي تخطه يمانيك = يمناك واللي تكتبه بالشمالي
يا عزوة اللي باللقا يعتزي فيك = من لابةٍ يوم اللقا ما تبالي
هذي علومي والمبادي مباديك = ياللي تحرى للوفاء والعدالي
وصلى الله على من بعث فيك = على الرسول اعداد وبل الخيالي


.
جميع الحقوق محفوظة © 2016 الراوي – سالفة وقصيد.