قصيدة للشاعر فرحان بن سميح المضياني


قصيدة للشاعر فرحان بن سميح المضياني


قصائد لشعراء معاصرين مسنده على عبدالله بن دهيمش بن عبار


وهذه الأبيات من شعر فرحان بن سميح المضياين يسند على عبد الله بن دهيمش بن عبار :

راكب اللي لا مشى تسمع صريره = كن صرات العجل صوت ابرديه
جمس شكمانين ما هدا مسيره = سايقه بطران ما يعرف الونيه
كنه العبرود من حشو الذخيره = أو كما البرق يلمع بالمسيه
فوقه النجاب لسراري خبيره = ما يعرف القصد غيره بالسميه
لا لفيت القرم ممدوح العشيره = أبو مشعل جعل تخطيه المنيه
يفرح بالضيفان ما حسب لميره = مقصده يبي العلا والمقدريه
قل جزاك الله عنا جل خيره = الولي يكفيك من شر البليه
صرت كالقاموس مرجع للعشيره = يا عسى يحميك خلاق البريه
قلته بك فخور ما قصدي بريره = وأنت مثل الحيص لا صارت دعيه
ربعي المضيان في يوم المغيره = لا غدا ليل الدجى تقل اضحويه
من سلايل وايل ربي يجيره = تفرح بالخاطر وتدرا من الخطيه


.
جميع الحقوق محفوظة © 2016 الراوي – سالفة وقصيد.